31 Me lungurow ngak, “Nge mich u wun’um Somol Jesus, ma aram e kam thap ngak Got — ni gur nge girdi’ nu tabinaw rom.”
32 Miyow machibnag e thin rok Somol ngak nge ngak gubin e girdi’ ni immoy u lan e naun rok.
33 Ka re ngiyal’nem nneap’ me fekrow fa’anem ni pilungen e kalbus nge luknag e yu yang nike maad’ad u dowrow; nge mu’ min tawfenag ni ka chingiyal’ nem ni ir nge urngin e girdi’ nu tabinaw rok.
34 Me ere fek Paul nge Silas ngalan e naun rok nge pi’ e ggan ngorow. Me ri felfelan’ girdi’en e tabinaw rok nge ir, ni fan e ke mich Got u wun’rad.
