Text copied!
Bibles in Yapese

Acts 11:22-26 in Yapese

Help us?

Acts 11:22-26 in Bible Ni Thothup

22 Me yan murung’agen e re bugithin ney nge mada’ ngak girdi’en e galesiya nu Jerusalem, ma aram miyad l’oeg Barnabas nge yan nga Antiok.
23 Fa’ani taw me guy rogon nike ayuweg Got fapi girdi’, me felan’ me tay ir ngorad ni yad gubin ni ngu’ur pired ni yad ba yul’yul’ ma yad bmuduwgil ngak Somol u polo’ i lanin’rad.
24 Ma cha’nem i Barnabas e be’ ni bfel’ nib sug ko fare Kan Nthothup ma ba pagan’ ngak Jesus. Ma bo’or e girdi’ nra manged girdi’en Somol.
25 Me yan Barnabas nga Tarsus ni nge changarnag Saul.
26 Ma fa’ani pir’eg, me fek ngarbow nga Antiok. Ma reb e duw ni ur mu’ulunggad girdi’en e galesiya u rom ngu’ur machib nigew e girdi’ ni pire’. U rom u Antiok e ir e som’on nni pining girdi’en Kristus ngak e pi’in ke mich Jesus u wun’rad.
Acts 11 in Bible Ni Thothup