11 Kona sebasebare asi tonu Caesareai si poraisi wai si verakasibau memena a mamana wai ku yovena.
12 Ba Kanuma Kaobaisiyena i woniku kata yabata kata nae, ba kega nuwanuwaku ita kairagaraga kata kosi wai Gentile biyisi. Kata bigeruwana biyisi asi 6 yabata ka nae sebare kotoi ama wara i porai wai ana ku yove.
13 Ba i wonikai mekabage kona aneya i rerematara kurina, ba i wona, ‘Wasaga ki poraisi ku Joppa, Simon Peter sina nuweni.
14 Ba ina wonim kata mekabage kom ba am rakaraka koi ereonowami kona yawasa.’
15 Ba a dagui ati sisiya saba, Kanuma Kaobaisiyena mekabage dagudagunai i gakira kurikai wai nanakasike i gakira kurisi.
16 Damanina ba Bada i wona wai a nosi, ‘John okowai i babataito, ba komi kona Kanuma Kaobaisiyenai kona babataito.’
