2 Ina kail tadav God, ra Ngala Kakit, Tadav God nina i maramaravut iau.
3 Na vartuluai marama ra bala na bakut ma na valaun iau, Tago nina i mainge ba na konome iau i tar varvul. Sela. God na tulue vaarike kana varmari ma kana dovotina.
4 A tulungeagu i ki livuan ta ra umana leon; Ina va livuan ta ra umana ebar dia ngangap da ra iap, Maia, livuan ta ra tarai Ba ra ngie i diat i da ra rumu ma ra pu, Ma ra karamea i diat i da ra pakat na vinarubu i mangi.
5 Una vangala pa u mulai, God, Una ki ak ta mumur ma ra bala na bakut, Ma kaum minamar na ki ta ra rakarakan a gunagunan.
