2 “Zgen savore Izraelike muršen pal lengere fajti. Pisin andre savoren phureder sar biš (20) berš, save pes džanen te marel.”
3 Avke pro Moabike rovini pro vichodos le Jordanostar anglo Jericho o Mojžiš the o Eleazar phende le Izraelike vodcenge:
4 “Zgenen savore Izraelike muršen phurederen sar biš berš, avke sar o RAJ prikazinďa le Mojžišoske.” Kala hine ola Izraeliti, save avle avri andral o Egipt:
5 Le Rubenoskere, savo sas ešebno (peršo) čhavo le Izraeloskero, sas kala potomki: le Chanochostar, e Chanochoskeri fajta; le Palluostar, e Palluoskeri fajta;
6 le Checronostar, e Checronoskeri fajta; le Karmistar, e Karmiskeri fajta.
7 Savore zgende murša andral le Rubenoskero kmeňos sas 43 730.
8 Le Palluoskero čhavo sas o Eliab
9 a le Eliaboskere čhave sas o Nemuel, o Datan the o Abiram. Kada Datan the Abiram sas ola vodci, save pes le Korachoskera partijaha vzburinde pro Mojžiš the Aron a pes ačhade pro RAJ.
10 Akor e phuv phundraďa peskero muj a zľiginďa len jekhetane le Korachoskere muršenca, sar e jag zlabarďa 250 muršen. Ada pes lenge ačhiľa, hoj te daran the aver džene a te na keren avke sar on.
11 Ale le Korachoskere čhave na mule.
12 O potomki le Šimeonoskere pal peskere fajti sas kala: le Nemuelostar, e Nemueloskeri fajta; le Jaminostar, e Jaminoskeri fajta; le Jachinostar, e Jachinoskeri fajta;
13 le Zerachostar, e Zerachoskeri fajta; le Šaulostar, e Šauloskeri fajta.
14 Savore zgende murša andral le Šimeonoskero kmeňos sas 22 200.
15 O potomki le Gadoskere pal peskere fajti sas kala: le Cefonostar, e Cefonoskeri fajta; le Chaggistar, e Chaggiskeri fajta; le Šunistar, e Šuniskeri fajta;
16 le Oznistar, e Ozniskeri fajta; le Eristar, e Eriskeri fajta;
17 le Arodistar, e Arodiskeri fajta; le Arelistar, e Areliskeri fajta.
18 Savore zgende murša andral le Gadoskero kmeňos sas 40 500.
19 Le Juda sas čhave o Er the o Onan, save mule andro Kanaan.
20 O potomki le Judaskere pal peskere fajti sas kala: le Šelostar, e Šeloskeri fajta; le Perecostar, e Perecoskeri fajta; le Zerachostar, e Zerachoskeri fajta.
21 O potomki le Perecoskere sas: le Checronostar, e Checronoskeri fajta; le Chamulostar, e Chamuloskeri fajta.
22 Savore zgende murša andral le Judaskero kmeňos sas 76 500.
23 O potomki le Jissacharoskere pal peskere fajti sas kala: le Tolastar, e Tolaskeri fajta; le Puvvahostar, e Puvvahoskeri fajta;
24 le Jašubostar, e Jašuboskeri fajta; le Šimronostar, e Šimronoskeri fajta.
25 Savore zgende murša andral le Jissacharoskero kmeňos sas 64 300.
26 O potomki le Zebulunoskere pal peskere fajti sas kala: le Seredostar, e Seredoskeri fajta; le Elonostar, e Elonoskeri fajta; le Jachleelostar, e Jachleeloskeri fajta.
27 Savore zgende murša andral le Zebulunoskero kmeňos sas 60 500.
28 O čhave le Jozefoskere pal peskere fajti: o Menašše the Efrajim.
29 O potomki le Menaššeskere sas kala: le Machirostar, e Machiroskeri fajta. O Machir sas dad le Gileadoske; le Gileadostar, e Gileadoskeri fajta.
30 Kala sas o potomki le Gileadoskere: le Jezerostar, e Jezeroskeri fajta; le Chelekostar, e Chelekoskeri fajta;
31 le Asrielostar, e Asrieloskeri fajta; le Šechemostar, e Šechemoskeri fajta;
32 le Šemidastar, e Šemidaskeri fajta; le Cheferostar, e Cheferoskeri fajta.
33 Le Celofchad, saveske sas dad o Chefer, na sas murša, ča čhaja. Lengere nava sas: Machla, Noa, Chogla, Milka the Tirca.
34 Savore zgende murša andral le Menaššeskero kmeňos sas 52 700.
35 Kala sas o potomki le Efrajimoskere pal peskere fajti: le Šutelachostar, e Šutelachoskeri fajta; le Becherostar, e Becheroskeri fajta; le Tachanostar, e Tachanoskeri fajta.
36 Kala sas o potomki le Šutelachoskere: le Eranostar, e Eranoskeri fajta.
37 Savore zgende murša andral le Efrajimoskero kmeňos sas 32 500. Kala hine o potomki le Jozefoskere pal peskere fajti.
38 O potomki le Benjaminoskere pal peskere fajti sas kala: le Belastar, e Belaskeri fajta; le Ašbelostar, e Ašbeloskeri fajta; le Achiramostar, e Achiramoskeri fajta;
39 le Šefufamostar, e Šefufamoskeri fajta; le Chufamostar, e Chufamoskeri fajta.
40 O potomki le Belaskere sas: le Ardostar, e Ardoskeri fajta; le Naamanostar, e Naamanoskeri fajta.
41 Savore zgende murša andral le Benjaminoskero kmeňos sas 45 600.
42 O potomki le Danoskere pal peskere fajti sas kala: le Šuchamostar, e Šuchamoskeri fajta. Kala sas o fajti le Danoskere.
