12 Ale o Del phenďa le Bileamoske: “Ma dža lenca a ma prekoš kale manušen, bo hine požehňimen.”
13 Sar tosara o Bileam ušťiľa, phenďa ole muršenge: “Džan korkore pale andre peskeri phuv, bo mange o RAJ na domukľa te džal tumenca.”
14 Avke o Moabike vodci avle pale ko Balak a phende leske: “O Bileam na kamel te avel amenca.”
15 O Balak pale bičhaďa buter vodcen, so sas bareder sar ešebnovar (peršovar).
16 On avle ko Bileam a phende: “Kavke vakerel o Balak: ‘Mangav tut, ma zľiker tut, ale av ke ma!
