1 O Korach, o čhavo le Jisharoskero andral e Levitengeri fajta, pes vzburinďa pro Mojžiš. Ke leste pes pridine trin džene andral o Rubenoskero kmeňos: o Datan the o Abiram, le Eliaboskere čhave, the o On, le Paletoskero čhavo.
2 On pes vzburinde pro Mojžiš a lenca 250 Izraeliti, save sas o anglune vodci le manušengere.
3 Gele anglo Mojžiš the Aron a phende lenge: “Zageľan imar igen dur! Se savore amare manuša hine sentne a the amenca hino o RAJ. Soske pes hazden upral le RAJESKERE manuša?”
4 Sar ada šunďa o Mojžiš, peľa le mujeha pre phuv.
5 Paľis phenďa le Korachoske the leskera partijake: “Tosara tumenge o RAJ phenela, ko hin leskero, ko hino sentno a ko šaj ke leste avel pašes. Kas peske kidela avri, oda šaj ke leste džal pašes.
6 Tu, Korach, the tiri partija kerena kada: Len peske o lopatki pro kaďidlos,
