2 Ne hein nezineg haazà ni Hezekia, midsinaru sikandin diyà te elavat ne nengemuyù diyà te Nengazen.
3 Ke sikandin te, “Nengazen, tentenuzi nu is kegkemepezumdumahan ku kenikew kayi te kebpengungubpaan ku, nenilbi a kenikew te ebpuun diyà te gehinawa ku, wey meupiya is baal ku ziyà te etuvangan nu.” Ne utew sikandin nekesineǥew.
4 Ne zutun te wazè pa mekaawà si Isaias diyà te tengàtengà he lama zuen te turuǥan, migkeǥiyan sikandin te Nengazen te,
