48 Salomón, Bab-Jehováʼse-goled-neggi ibmar-bamalad-ebulemalad-sobega imaksabalid: Bab-Dummadga ina-wawad-ogumaked-aila-orbiid sobsad, degi, mese-madu-mesed-orbiid sobsabalid.
49 Bab-Dummadse-Goled-Neg-Ise-Islidikid-asabin: Argan-nuedsiki, gwallu-siged-orbiid gwaatar bukwad. Argan-sapiledsikdi, gwallu-sied-orbiid gwaatar bukwamogad. Dutumar, orbi sobar nanaed. Gwallumar, orbi sobar nanabalid. A-ukinbali, maskemar, orbi sobar nanabalid.
50 Dii-simalad, orbi sobsabalid. Dislagii-daklemalad, orbi sobsabalid. Nog-abe-mimalad, orbi sobsabalid. Bormomar, orbi sobsabalid. Sianarmar, orbi sobsabalid. Bab-Dummadse-Goled-Neg-Ise-Islidikidyaba yawagak-abgamalad, orbi sobsabalid. Bab-Dummadse-Goled-Neg-Dummad e-yawagak-abgamalad, orbi sobsabalid.
51 Salomón, Bab-Jehováʼse-goled-negga ibmar-ebulemalad soboye-sogsagusad, bela sobsa gusad. Agi, geb Salomón, e-bab-David Bab-Jehováʼga ibmar-nug-imaksadi, Bab-Jehováʼse-goled-negse bela senonikid. Degisoggu, Salomón bela we-ibmar senonikid: Manimar, ormar, degi, ibmar-bamalad-ebulemalad. We-ibmar, Bab-Jehováʼse-goled-neggi, ibmar-saboleged-neg-siidse urbenonikid.
