1 ቆሮንቶሳ 13:2-8 in Dawro

² ናቤቴꬃ ኢሞታይ ታው ዴዖፔካ፥ ታኒ ጌሜዳ ዬዉዋ ኡባኔ ኤራቴꬃ ኡባ ኤሪንቶካ፥ ቃሲ ዴሪያ ዴንꬂ ዲጊያ ኣማኑ ታው ዴዖፔካ፥ ሲቁ ꬋዮፔ፥ ታኒ ኣያኔ ጊዲኬ።

³ ታው ዴዒያዋ ኡባ ሂዬሳቱዋ ሚዛናው ኢሚንቶካ ሃራይ ኣቶ፥ ታ ቦላ ታማን ጉዳናው ኣꬃ ኢሚንቶካ ሲቁ ꬋዮፔ፥ ታና ኣይኔ ማዴና።

⁴ ሲቁ ዳንዳያንቻ። ሲቁ ኬኬ። ሲቁ ቃናቴና። ጬቄቴና፤ ቃሲ ኦቶሬቴና።

⁵ ሲቁ ባሬው ቤሴናዋ ኦꬄና፤ ኡዜቴና፤ ዪሎቴና፤ ሲቁ ናቄቴዳዋካ ፓይዴና።

⁶ ሲቁ ቱማቴꬃን ናሼቲያዋፔ ኣቲን፥ ዎርዱዋን ናሼቴና።

⁷ ሲቁ ኡባባ ዳንዳዬ። ኡባባይካ ሃናናዋ ጊዴ፥ ናሼቻን ናጌ። ኡባባኒ ጌንጬ።

⁸ ሲቁ ሙሌካ ꬋዬና። ሺን ናቤቴꬃይካ ኣታና። ዱማ ዱማ ቃላን ሃሳዪያዌካ ኣታና። ኤራቴꬃይካ ꬋያና።

² Nabetethaa imotay taw de7ooppekka, taani geemmeedda yewuwaa ubbaanne eratethaa ubbaa erinttokka, qassi deriyaa denthi diggiyaa ammanuu taw de7ooppekka, siiquu dhayooppe, taani ayaanne gidikke.

³ Taw de7iyaawaa ubbaa hiyyeesatuwaa mizanaw imminttokka haray atto, ta bollaa tamaan guuddanaw aatha imminttokka siiquu dhayooppe, taana aynne maaddenna.

⁴ Siiquu danddayanchchaa. Siiquu keekee. Siiquu qanaatenna. Ceeqettenna; qassi otorettenna.

⁵ Siiquu barew bessennawaa oothenna; Uzettenna; Yilotenna; Siiquu naaqetteeddawaakka paydenna.

⁶ Siiquu tumatethaan nashettiyaawaappe attin, wordduwan nashettenna.

⁷ Siiquu ubbabaa danddayee. Ubbabaykka hananawaa giide, nashechchaan naagee. Ubbabaani genccee.

⁸ Siiquu mulekka dhayenna. Shin nabetethaykka attana. Dumma dumma qaalaan haasayiyaawekka attana. Eratethaykka dhayana.