3 Ǹ fɛɛ ǹ gá ↄfãntɛ̃bↄɛ kpa, ǹ utɛ Kɛriti swawɛɛn Yoda baa kãa kpa.
4 Nɛ́gↄ̃ swaa pì í mii. Má dìɛ gbáa kãnkãnanↄnɛ aↄ̃gↄ̃ n gwaa gwe.
5 Ben à gàa à kɛ̀ lán Dii ònɛ nà, à vɛ̃̀ɛ Kɛ riti swawɛɛn Yoda baa kãa kpa.
6 Gbáa kãnkãnanↄ ègↄ̃ mↄↄnɛ kↄ̃n burɛdio kↄ̃n nↄ̀bↄo kↄngↄ kↄ̃n uusiɛo, ben ègↄ̃ swaa pì í mii.
7 Gurↄ plaaa gbɛra swaa pì í bàba kɛ̀ lou e ma bùsu pìnlo yãnzi.
8 Ben Dii yã sùa à bè:
9 Ǹ fɛɛ ǹ gá Zarɛfa Sidↄ̃ bùsun, ǹgↄ̃ kú gwe. Ma gyaanↄ ke dìɛ àgↄ̃ n gwaa gwe.
10 Ben à fɛ̀ɛ èe gaa Zarɛfa. Kɛ̀ à kà wɛ́tɛ pì saɛ, à gyaanↄ ke lè, èe yàka wɛɛ gwe. Ben Ilia lɛ́ zù gyaanↄↄ pìzi à bè: Ǹ gá mↄ́mɛ kↄ̃n ío, baa féte, mà mi.
11 Kɛ̀ èe gaa tↄ́, Ilia ɛ̀ara à lɛ́ zùzi à bè: Ǹ mↄ́mɛ kↄ̃n burɛdi kusuo dↄ.
