1 HANUA PAVAPAVADIA 4:2-15 in Motu

² Ia iduruna taudia badadia bini: Asaria Sadok na hahelaḡa tauna;

³ Elihorefe Sisa bona Ahia Sisa na toretore taudia; Iehosafat Ahilud na e tore pepadia inaridia tau.

⁴ Benaia Iehoiada na tuari oreana biaguna; Sadok bona Abiatara na hahelaga taudia;

⁵ Asaria Natan ese hanua pavapavana ena hesiai taudia e biagudiava. Sabud Natan na hahelaḡa tauna bona hanua pavapavana turana;

⁶ Ahisara ese hanua pavapavana ena ruma e itaia taova; bona Adoniram Abda ese e haḡaukaradiava taudia e biagudiava.

⁷ Solomon na mai ena heitatao taudia gwauta-rarua: idia ese Israel idoinai e lohiaia, bona hanua pavapavana bona ena ruma taudia adia e henidia; ta ta hua ta ta ai adia e henidia, laḡani ta lalonai.

⁸ Ladadia bini: Ben-huru, Efraim ororodia ai;

⁹ Ben-dekere, Maka bona Saalbim bona Bete-semese bona Elono-bete-hanana kahadia ai;

¹⁰ Ben-hesed, Aruboto ai, (Soko bona Hefere tanona idoinai na iena);

¹¹ Ben-abinadab, Nafata-doro idoinai lalonai, (ia ese Solomon natuna hane-ulatona Tafata e adavaia);

¹² Baana Ahilud, Taanak ai bona Megido ai bona Bete-seana idoinai lalonai, (una na Saretan badibadinai, Iesrele henunai, bona Bete-seana amo ela bona Abele-mehola, ela bona lokomeama unukahana);

¹³ Ben-gebere, Ramoto-gilead ai, (ia na Iairi Manase ena hanua hidaosi Gilead ai, bona Aragob tanona Basan ai, e abidia, hanua badadia tauratoi-ahui mai maḡudia bona mai auri labora-laboradia);

¹⁴ Ahinadab Ido, Mahanaim ai;

¹⁵ Ahimasa, Napatali ai, (ia ese Solomon natuna hane-ulatona Basemata e adavaia);