28 Che ḻen Jesusen' gože' ḻégake': —Kate' žin ža wchisle neda', Benne' Golje' Benách, nich gotle neda', naž gákbe'elele nakkza' Benne' Weslá, na' bi be žona' žakze chia', san da' bḻoe'el X̱a' neda' ẕchaḻjan'.
29 X̱a', Bennen' bseḻe'e neda', zóaḻene' neda'. X̱a' bi bka'ne' neda' toza', dan' žónteza' da' žaz ḻaže'e Ḻe'.
30 Kate' bchaḻj Jesusen' da' ni, benne' zan bejḻé'gake' chie'.
31 Naž Jesusen' gože' benne' judío ka', benne' žejḻé'gake' chie', na' wnné': —Cha' góntezele kan ẕnna x̱tiža'a, da' li gakle benne' wsedle chia' ka'.
32 Gónbia'le da' nak dot da' li, na' dan' naken dot da' li yeslán ḻe'e.
