3 Kate' bebíž x̱is uba, dan' yé'jgake', x̱na' Jesusen' gože' Ḻe', na' wnné': —Biž de x̱is uban' da' žé'jgaken'.
4 Bechebe Jesusen', na' wnné': —Nó'ledo'. ¿Biẕ chen' ẕnnio' neda'? Bi na' žin ža wḻoe'ela' ḻaw yeḻa' wak chia'.
5 Naž x̱na' Jesusen' gože' benne' wen žin ka', benne' ẕkwá'gake' da' že'j žáwgake', na' wnné': —Le gon yógo'te da' yi'e ḻe'e.
6 Wnníta'gak x̱ope yeso' yej ga na', da' ka' ẕkóngekle benne' judío ka' žin kate' žíbgake' ni'a ná'gake' kan žónteze žóngake', na' žože chope chonne že'e nis to to yeso' ka'.
7 Jesusen' gože' benne' wen žin ka', na' wnné': —Le yescha'te yeso' ki nis. Naž beschá'gake' yeso' ka' nis.
8 Naž Jesusen' gože' ḻégake': —Le gachen' na'a, na' le chjwan' ḻaw benne' ẕnnabe' bi da' žiažjen. Yjwá'gaken' ga na'.
