4 पाङ्तिबा यक्युङ्बाहाॽरे़ पावलरे़ कुहुक्को असेःक्पे़न्कित्छिङ्बा मे़निःसुआङ् अक्खे मे़मे़त्छिङ्, “कङ्ग से़क्खासाङ् मना के़से़प्पाएरो॥ कन् वाहङ्ङोलाम् हिङे़साङ् कन् खासे़न् के़लोःम्बा माङ्ङिल्ले़ कुघुम्दिङ्लाम् पिम्मा मे़सुक्ते़न्लो॥”
5 कर पावलरे़ खे़न् असेःक्पे़ल्ले़ अःक्मा मे़ङ्घोए मिओ साक्खु केःत्तुआङ् थेआङ् मे़बोःक्खे़न्लो॥
6 आल्ल पावले़न् थङ्दुआङ् हर्गुप् चोःन्नाङ् सिःॽ लॽरिक् निङ्वाॽ मे़इःत्तुआङ् मनाहाॽरे़ मे़हाङ्घुरो॥ यरिक् ये़म् मे़हाङ्घुसाङ् खुने़ॽ थे़माआङ् मे़बोःक्खे़म्बा मे़निःसुआङ् खुनिॽ निङ्वाॽइन्मे़ले़क्खुर अक्खे मे़मे़त्छिङ्लो, “कङ्ग से़क्खासाङ् माङ्लो॥”
7 खे़प्मो निःत्ताङ्ङे खे़न् वागप्खाम् युक्पा पब्लियसरे़ कुलाजेॽ ने़स्से़॥ खे़ल्ले़ आनिगे़ कुहिम्मो तेॽरिगे़आङ् साॽरिक् नुःरिक् मे़त्तिगे़र सुम्ये़न् थारिक् तरे याप्मि तोःसे़रो॥
8 पब्लियसरे़ कुम्बा तुङ् नु माक्खिॽ हिबिःप्माल्ले़ तरुआङ् ने़त्नाओ ने़स्से़॥ हे़क्केःल्ले़ पावले़न् कुहिम्मो पेआङ् तुवा चोगु पिरुआङ् हुक् ने़स्सुआङ् वेःन्दुरो॥
