28 हे़क्क्याङ् पावलरे़ कुनुप्मो अक्खे मे़त्तुसि, “निङ्वाॽफुमाङ्ङिल्ले़न् से़न्लप्रे़ सुनाइङ्ङिन् थिम्मे़न्दङ् सुवाङ्हाॽरो पाङ्घुआङ् वाॽ, हे़क्क्याङ् खे़ङ्हाॽरे़ नुःरिक्काङ् मे़घे़प्सुॽ के़लॽबान् कुसिङ् निःत्ते़म्मे़ॽओ॥”
29 ((हे़क्क्याङ् पावलरे़ कन् पाःत्तु सुरुआङ् यहुदिहाॽ खुनिॽ लुम्मो साॽरिक् पाःन्धङ् मे़धक्ते़र खे़प्मोलाम् मे़बेरो॥))
30 तङ्बे ने़त्छि थारिक् पावलरे़ आबाङे तङ्गाम् चोगुबा ये़ङ्वाहिम्मो याःक्ते़आङ् कुदुम्से़ के़दाःबा के़रे़क् मनाहाॽ लाङ्दाःक्मा पिरुसिर वये़रो॥
31 हे़क्क्याङ् मे़ङ्गिए हाङ्हाङ् लॽरिक् निङ्वाॽफुहाङ्जुम्मिल्ले़ कुयाःम्बेओ इङ्भन् चोगुर के़दाःबा के़बेःक्पाहाॽ दाङ्बा ये़सु ख्रिस्तरे़ कुयाःम्बेओ हुॽरुसिरो॥ आत्तिन्हाॽरे़आङ् हे़क्के चोःक्मोलाम् खुने़ॽ साक्मा मे़ङ्गोःत्तुन्लो॥
