4 थिक्ले़ङ् खुने़ॽ खे़ङ्हाॽनु चर युङे़ल्ले़ अक्खे मे़त्तुसि, “यरुसले़म ले़रे़म्मे़ॽआङ् आल्लोसा मे़बेगे़म्मिन्ने़ॽओ, कर साङ्ग्राम्पेदाङ्ङोबा पानुदिङ् आम्बारे़ सेसेमाङ् पिनिङ् लॽरिक् चोगुबा माङ्हे़क्किन्हाङ्घे़म्मे़ॽ॥ कङ्ग तगि मे़त्निङ्बा के़घे़प्सुम्माङ् के़वयिॽरो॥
5 युहुन्नारे़ग च्वाःत्तिल्ले़ बप्तिस्मा के़बिरि, कर कुभा ये़न् एगाङ् सेसेमाङ्लाम् बप्तिस्मा के़बोःक्खिॽरो॥”
6 थिक्ये़न् खे़ङ्हाॽरे़ खुने़ॽनु सोरिक् मे़वये़ल्ले़ मे़मे़त्तु “आदाङ्बे, बा कन् ये़म्मोए इस्राइलिहाॽ चोःक्युम्भो के़बिरुसिआङ् आनिॽ हाङ्जुम्मिन् याम्मो के़जोगुॽबि?”
7 ये़सुरे़ खे़ङ्हाॽ मे़त्तुसि, “आप्फाल्ले़ कन् पाःन्हाॽ के़त् के़लॽबान् निःमा थाःमा खिनिॽ याःम्बक् मे़ःन्लो॥ खे़ङ्ग पानुदिङ् पाःल्ले़ आबाङे कुनिङ्वाॽओ निःन्धो चोगुॽरो॥
