12 हे़क्क्याङ् सेःक्युक्मिबाहाॽ जैतुन मे़प्मनाबा कोःक्मालाम् यरुसले़म मे़नुःक्खे़॥ खे़न् यरुसले़मलाम् किलोमितरधिक् माःङ्लो॥
13 ये़क्यक्को मे़लाःसे़आङ् खे़ङ्हाॽ मे़यागे़बा थाःङ्स्मा याक्फाओ मे़लाःसे़॥ खे़प्मो पत्रुस, युहुन्ना, याकुब, आन्द्रियास, फिलिप, थोमा, बारथोलोमाइ, मत्ति, अल्फायसरे़ कुस्साः याकुब, हाङ्बिफ्युङ् के़जोःक्पा सिमोन हे़क्क्याङ् याकुबरे़ कुस्साः यहुदा मे़वये़रो॥
14 खे़ङ्हाॽ काक् सोरिक् मे़बोःक्खे़र चक्मे़ल्लॽए तुवा चोःक्कि मे़यागे़॥ खे़ङ्हाॽओ ये़सुरे़ कुम्मा मरियम नु वेॽ मे़न्छुमाहाॽ हे़क्क्याङ् ये़सुरे़ कुन्साॽसिआङ् मे़वये़रो॥
15 खे़न् ये़म्मो पत्रुसे़न् किप्थिक्काङ् निबोःङ् यारिक् (१२०) नसानिबा लुम्मो ये़म्सिङ्ङाङ्
