21 कन् पाःन्हाॽ पोःक्खे़ चुरे़आङ् पावलरे़ मे़सेदोनिया नु अक्खैया थुम् पोःङ्मार यरुसले़म पेःक्मा निङ्वाॽ चोगु॥ हे़क्क्याङ् खे़ल्ले़ अक्खे मे़त्तुसि, “इङ्गाॽग खे़प्मो पेःक्माआङ् रोम ये़क्यक्कोआङ् पेःक्माए पोःङ्लो॥”
22 हे़क्क्याङ् खुने़ॽ कुभाॽ के़बिबा ने़प्फु कुन्जुम्हाॽ तिमोथि नु इरास्तसे़न् तगि मे़सेदोनियाओ पाङ्घुसिआङ् खुने़ॽग एसिया ते़ङ्गप्पोए कुभा ये़न् याःक्ते़रो॥
23 बा खे़न् ये़म्मो एफिससओ दाङ्बाल्ले़ कुलाम्मिल्ले़ कुदक्ले़ङ्ङो यम्बा हयङ्किल्लिङ् पोःक्खे़रो॥
24 दे़मे़त्रियस मे़प्मनाबा युप्पा चोबे़गुधिक् वये़॥ खे़न् आर्तेमिस साम्माङ्ङिल्ले़न् चुजुक्सा युप्पा माङ्हिम् के़जोःक्पा वये़ हे़क्क्याङ् खे़न् याःम्बक्कोलाम् यरिक् नावाइत्ला के़जोःक्पाहाॽरे़ हिम्ब्राम् मे़जोगुआङ् मे़वये़रो॥
