ᤛᤣ᤺ᤰᤕᤢᤰᤔᤡᤒᤠᤜᤠ᤹ 16:37-40 in Limbu

³⁷ ᤁᤖ ᤐᤠᤘᤗᤖᤧ ᤂᤧᤴ ᤋᤡᤗᤡᤱᤃᤠᤜᤠ᤹ ᤔᤧᤳᤋᤢᤛᤡ. “ᤀᤠᤴᤇᤡᤃᤧᤃ ᤖᤥᤔᤡ ᤕᤰᤕᤢᤱᤒᤠᤛᤡᤃᤧᤛᤠᤱ ᤌᤧᤔᤠᤀᤠᤱ ᤋᤢ᤺ᤴᤍᤣ᤹ ᤔᤧ᤺ᤴᤏᤣ ᤔᤏᤠᤗᤢᤶᤔᤥ ᤀᤠᤴᤇᤡᤃᤧ ᤕᤠᤵᤔᤡ ᤋᤧ᤺ᤶᤓᤢᤰ ᤔᤧᤕᤠᤰᤋᤧᤳᤇᤡᤃᤧᤀᤠᤱ ᤐᤢᤱᤗᤠᤜᤡᤶᤔᤥ ᤕᤠᤵᤔᤡ ᤔᤧᤛᤠᤰᤋᤧ॥ ᤀᤠᤸᤗ ᤂᤧᤱᤜᤠ᤹ᤖᤧ ᤛᤫᤠ᤺ᤳᤋᤠᤱ ᤗᤧᤵᤔᤠᤍᤣ᤺ᤔᤠ ᤔᤧᤃᤥ᤺ᤳᤋᤧᤳᤇᤡᤃᤧᤒᤠᤒᤡ᥅ ᤁᤱᤃ ᤐᤥ᤺ᤱᤔᤠ ᤔᤧᤛᤢᤰᤏᤧᤴᤗᤥ᥄ ᤜᤠᤖᤠ᤹ ᤛᤢᤜᤠᤱᤕᤢᤰᤐᤠᤜᤠ᤹ᤀᤣ ᤁᤵᤔᤥ ᤔᤧᤍᤠᤀᤠᤱ ᤔᤧᤗᤧᤳᤇᤡᤃᤧᤖ ᤐᤥ᤺ᤱᤗᤥ॥”

³⁸ ᤜᤧᤰᤁᤩᤠᤱ ᤋᤡᤗᤡᤱᤃᤠᤜᤠ᤹ᤖᤧ ᤛᤢᤜᤠᤱᤕᤢᤰᤐᤠᤜᤠ᤹ ᤒᤠᤁᤴ ᤐᤠ᤺ᤴᤜᤠ᤹ ᤔᤧᤔᤧᤳᤋᤢᤛᤡ॥ ᤂᤧᤱᤜᤠ᤹ᤖᤧ ᤐᤠᤘᤗ ᤏᤢ ᤛᤡᤗᤠᤛᤧᤴ ᤖᤥᤔᤡ ᤕᤰᤕᤢᤱᤒᤠᤛᤡ ᤑᤠ᤹ᤀᤠᤱ ᤏᤡᤱᤘᤠ᤹ ᤔᤧᤄᤥ᤺ᤛᤢᤀᤠᤱ ᤂᤧᤱᤜᤠ᤹ ᤔᤧᤃᤡᤛᤧᤖᤥ॥

³⁹ ᤜᤧᤰᤁᤩᤠᤱ ᤂᤧᤱᤜᤠ᤹ ᤂᤧᤵᤔᤥ ᤔᤧᤍᤩᤧᤀᤠᤱ ᤔᤧᤏ᤺ᤶᤛᤡᤱᤗ ᤂᤧᤱᤜᤠ᤹ᤏᤢ ᤗᤧᤵᤔᤡ ᤔᤧᤏᤠ᤺ᤰᤋᤧᤖᤥ॥ ᤜᤧᤰᤁᤩᤠᤱ ᤂᤧᤱᤜᤠ᤹ ᤐᤢᤱᤗᤠᤜᤡᤶᤔᤥᤗᤠᤶ ᤗᤠ᤺ᤰᤁᤠᤳ ᤔᤧᤗ᤺ᤳᤋᤢᤛᤡᤀᤠᤱ ᤀᤠᤸᤗ ᤁᤴ ᤕᤧᤰᤕᤰᤁᤥᤗᤠᤶ ᤐᤣᤛᤧᤇᤧ᤹ᤀᤥ ᤑᤠ᤹ᤀᤠᤱ ᤐᤣᤗᤡ ᤔᤧᤓᤠᤰᤋᤢᤛᤡᤖᤥ॥

⁴⁰ ᤜᤧᤰᤁᤩᤠᤱ ᤐᤠᤘᤗ ᤏᤢ ᤛᤡᤗᤠᤛᤧᤴ ᤂᤧᤵᤔᤥᤗᤠᤶ ᤗᤡᤍᤡᤕᤠᤖᤧ ᤁᤢᤜᤡᤶᤔᤥ ᤐᤣᤛᤡ॥ ᤂᤧᤵᤔᤥ ᤂᤧᤱᤜᤠ᤹ᤖᤧ ᤗᤡᤍᤡᤕᤠ ᤏᤢ ᤘᤣ᤹ ᤏᤛᤠᤏᤡᤒᤠ ᤑᤢ᤹ᤏᤢᤛᤠ᤹ᤜᤠ᤹ ᤋᤢᤔᤧᤳᤇᤢᤖ ᤀᤠ᤺ᤴᤇᤡᤱᤔᤠ ᤐᤡᤖᤧᤳᤇᤢᤀᤠᤱ ᤂᤧᤵᤔᤥᤗᤠᤶ ᤐᤣᤛᤡᤖᤥ॥

³⁷ कर पावलरे़ खे़न् तिलिङ्‌गाहाॽ मे़त्तुसि, “आन्‍छिगे़ग रोमि यक्‌युङ्‌बासिगे़साङ् थे़माआङ् तुःन्‍देॽ मे़ःन्‍ने मनालुम्‍मो आन्‍छिगे़ याप्‍मि ते़ःम्‍भुक् मे़याक्‍ते़त्‍छिगे़आङ् पुङ्‌लाहिम्‍मो याप्‍मि मे़साक्‍ते़॥ आल्‍ल खे़ङ्‌हाॽरे़ स्‍वाःत्ताङ् ले़प्‍मादेःमा मे़गोःत्ते़त्‍छिगे़बाबि? कङ्‌ग पोःङ्‌मा मे़सुक्‍ने़न्‍लो! हाराॽ सुहाङ्‌युक्‍पाहाॽए कप्‍मो मे़दाआङ् मे़ले़त्‍छिगे़र पोःङ्‌लो॥”

³⁸ हे़क्‍क्‍याङ् तिलिङ्‌गाहाॽरे़ सुहाङ्‌युक्‍पाहाॽ बाकन् पाःन्‍हाॽ मे़मे़त्तुसि॥ खे़ङ्‌हाॽरे़ पावल नु सिलासे़न् रोमि यक्‌युङ्‌बासि फाॽआङ् निङ्‌वाॽ मे़घोःसुआङ् खे़ङ्‌हाॽ मे़गिसे़रो॥

³⁹ हे़क्‍क्‍याङ् खे़ङ्‌हाॽ खे़प्‍मो मे़द्‌ये़आङ् मे़नःम्‍सिङ्‌ल खे़ङ्‌हाॽनु ले़प्‍मि मे़नाःक्‍ते़रो॥ हे़क्‍क्‍याङ् खे़ङ्‌हाॽ पुङ्‌लाहिम्‍मोलाम् लाःक्‍कात् मे़लःत्तुसिआङ् आल्‍ल कन् ये़क्‌यक्‍कोलाम् पेसे़छे़ॽओ फाॽआङ् पेलि मे़भाक्‍तुसिरो॥

⁴⁰ हे़क्‍क्‍याङ् पावल नु सिलासे़न् खे़प्‍मोलाम् लिदियारे़ कुहिम्‍मो पेसि॥ खे़प्‍मो खे़ङ्‌हाॽरे़ लिदिया नु वेॽ नसानिबा फुॽनुसाॽहाॽ तुमे़त्‍छुर आःन्‍छिङ्‌मा पिरे़त्‍छुआङ्‌खे़प्‍मोलाम् पेसिरो॥