1 कुभा ये़म् एगाङ् यहुदियालाम् एन्तिओक्को कुभा यहुदि नसानिबाहाॽ मे़द्ये़आङ् नसानिबा फुॽनुसाॽहाॽ अक्खे मे़मे़त्तुसिर निसाम् मे़हुॽरुसि, “मोसारे़ साप्तुबा साम्योथिम् साप्लाओबा साक्थिम् कुइसिःक् हर्दो के़न्हे़गुम्मिन्ने़ फाॽग्र से़न्लप् खोःमा के़न्छुक्तुम्मिल्लो॥”
2 पावल नु बरनाबासे़न् खे़ङ्हाॽनु साॽरिक् पाःन् थक्ते़त्छि॥ हे़क्केःल्ले़ पावल, बरनाबास नु एन्तिओकस्मा कुभा नसानिबा फुॽनुसाॽहाॽ यरुसले़म्मो पेःक्माआङ् खे़प्मोबा सेःक्युक्मिबाहाॽ हे़क्क्याङ् तुम्लाम्लोःबाहाॽनु कन् पाःन्निल्ले़ कुयाःम्बेओ ताॽजे़ङ्मा फाॽआङ् मे़सेगुसिरो॥
3 एन्तिओक् सेसेहुप्लक्पा नसानिबाहाॽरे़ खे़ङ्हाॽ खे़प्मोलाम् से़म्मुॽइ मे़जोगुसि॥ खे़ङ्हाॽ फोनिसिया नु सामरिया थुम्मो पोःक्खे़त्छिर लाम्दिःक् चोगे़त्छिल्ले़ खे़प्मोबा नसानिबाहाॽ अक्खेलॽरिक् थिम्मे़न्दङ् सुवाङ्हाॽरे़आङ् निङ्वाॽफुमाङ्ङिन् नसाःन् मे़जोगु के़लॽबा पाःन्निन् चे़क्खे़छुरो॥ हे़क्केःल्ले़ खे़प्मोबा नसाःन् के़जोःक्पा फुॽनुसाॽहाॽआङ् कन् पाःन्निन् मे़घे़प्सुआङ् साॽरिक् मे़सःत्ते़रो॥
