8 कन् पाःन्निन् चे़क्तुसिर जोप्पाओ पत्रुसरे़ कुलाःसे़ खे़ङ्हाॽ पाङ्घुदेःसुसिरो॥
9 हे़क्क्याङ् कुदाःन्दिक् ले़न्दिक् पोःक्खे़र पत्छे़ल्ले़ खे़ङ्हाॽ जोप्पा पेसाङ् मे़गे़रे़॥ ले़न्दिक् कुमुक् थिक्-ने़त् (१२) मुक्ते़ल्ले़ पत्रुसे़न् तुवा चोःक्से़ थाःङ्स्मा आःम्भोओ पे॥
10 खुने़ॽ साॽरिक् कुसे़त् लाःक्ते़आङ् थेइ चामा निङ्वाॽ चोगुआङ् वये़, हे़क्क्याङ् वेॽहाॽरे़ चा मे़जोगुर मे़बत्छे़ल्ले़ कुधना ले़क्खे़रो॥
11 हे़क्क्याङ् ताङ्साक्पे़न्हरे़बा कुइसिःक् खे़त्थोलाम् यम्बा तेःत् हे़क्तङ्बान् लिसि कुसुक्पो खेःङ्मनाबा थ्ये़र पत्छे़बा निःसु॥
12 खे़प्मो इक्सादिङ् खाम्बेःक्मोबा काक् परिक्ले़न् थक्साहाॽ, के़सःन्छिङ्बा थक्साहाॽ नु पुसाहाॽ मे़यागे़॥ खे़ङ्हाॽओ यहुदि साम्योथिम्मिल्ले़ चामा आम्बिने़न्बाहाॽआङ् मे़यागे़॥
13 हे़क्क्याङ् पत्रुसरे़ अक्खे के़लॽबा इक्लाधिक् खे़प्सु, “पत्रुसे, पोगे़ॽ! से़रे़से़ॽआङ् चे़ॽओ॥”
