1 सिजरिया ये़क्यक्को कर्नालियस मिङ् के़वाःप्पा मनाधिक् वये़॥ खे़न् इतालिया मे़प्मनाबा रोमि तुरारे़न् थक्तुम्बा वये़रो॥
2 खुने़ॽ नु कुहिम्सयङ्हाॽ मिङ्सोदाङ्बा नु साम्योसाबा मे़वये़रो॥ खुने़ॽग याङ्गे़साॽबाहाॽ यरिक् कुभाॽ याङ् के़बिबा नु थिक्याःन्धक् निङ्वाॽफुमाङ्ङिन्नु तुवा के़जोःक्पा वये़रो॥
3 थिक्ये़न् ले़न्दिक् कुमुक् सुम्सि मुक्ते़आङ् वये़ल्ले़ खुने़ॽ सुफोधिक् निःसु॥ खे़न् सुफोओ से़क्खाए निङ्वाॽफुमाङ्ङिल्ले़ पाङ्घुबा माङ्लाइङ्बान् खुने़ॽ ले़प्माङ् फे़रे़र “कर्नालियसे,” मे़त्तुरो॥
4 कर्नालियसरे़ किःसे़र ओमे़त्तुर ओबे़ आदाङ्बे लॽरिक् नोगप् पिरु॥ खे़न् माङ्लाइङ्बाल्ले़ खुने़ॽ मे़त्तु, “खे़ने़ॽ के़जोगुबा तुवाहाॽ नु याङ्गे़साॽबाहाॽ यरिक् कुभाॽ याङ् के़बिरुसिबा पाःन्निन् निङ्वाॽफुमाङ्ङिल्ले़ निङ्वाॽ इःत्तुआङ् वाॽरो॥”
5 आल्ल जोप्पा ये़क्यक्को सिमोन पत्रुस मे़प्मनाबा मनाःल्ले़ कुउःत्छे़ मनाहाॽ पाङ्घे़से़ॽओ॥
