19 ये़सुरे़ याम्मो मे़त्तुसि, “उन्छेःन् थिक्ले़ङ् याङ्साकुन्धेसाबाधिक् वये़॥ खे़ल्ले़ परान्ला तेःत् चाक्खुर थिक्याःन्धक् चामुक् थिमुक् चर वये़॥
20 मनाहाॽरे़ लाजरस मे़प्मनाबा याङ्घेःक् इसेःङ्बा याङ्गे़साॽबा मनाःन् मे़दारुआङ् कुलाम्धेःप्पो मे़युक्खुरो॥
21 खे़ल्ले़ चामादे़न्नोलाम् मक्के़धाःबा कुजिहाॽ चामाआङ् खाःत्छिङ्मा निङ्साङ् चोगुआङ् वये़रो॥ कोःत्चोहाॽरे़आङ् कुयाङ्घेःक्किन् मे़लागु मे़बिरुरो॥
22 खे़न् याङ्के़साॽबा लाजरसे़न् स्ये़आङ् माङ्लाइङ्बाहाॽरे़ खुने़ॽ मे़बक्खु मे़देॽरुआङ् अब्राहामरे़ कुबेसाङ् मे़युक्खु॥ खे़न् याङ्साकुन्धेसाबे़न्नाङ् स्ये़आङ् मे़लुप्तु,
23 हे़क्क्याङ् खे़न् खे़मायङ्सङ्ङो पेआङ् साॽरिक् तुक्खे च्ये़॥ खे़न् माःङ्घा ओमये़ल्ले़ लाजरसे़न् अब्राहामरे़ कुभक्तुङ्ङो युङे़बा निःसुरो॥
