5 आनिॽग लायोबा सुत्नाःल्ले़ आयुक्ते़आङ् आवये़ल्ले़ साम्योथिम्मिल्ले़ आनिॽ नासिङ्गे़न् थक्को लायोबा निङ्वाॽइन्फोःक्खुआङ् आनिॽ आजोगुम्बा फे़न् याःम्बक्किल्ले़ सिःमे़न् तारुॽरो॥
6 कर आल्लोग, तगि आनिॽ सम्दाङ् युक् के़जोःक्पा साम्योथिम्लाम्बा चोःक्युम्भो आघोःसुम्माङ् आवाॽ॥ आल्ल आनिॽग साप्ते़आङ् के़बप्पा साम्योथिम्मिल्ले़ कुयुक्को आवये़ल्ले़ सेवा आजोगुम्बा हे़क्के मे़ःन्, कर सेसेमाङ्लाम्बा कुसङ् हिङ्मन्नो सेवा आजोगुम्लो॥
7 हे़क्केःल्ले़ आनिॽ थे पाःप्माबे? साम्योथिम्मिन् लायोबि? से़क्खासाङ् मे़ःन्लो! कर साम्योथिम्मिन् होःप्ते़ल्ले़ग इङ्गाॽ आहिङ्मन्नोबा लायोहाॽ मे़न्निःबान्मे़न्॥ थेआङ्भे़ल्ले़ साम्योथिम्मिल्ले़, “खे़ने़ॽ मे़घिःप्से़न्ने़ॽ” फाॽआङ् मे़बाःत्तुन्निल्ले़ग इङ्गाॽ खिःम्मान् ताप्फे़ःम्बारो के़लॽबा पाःन्निन् कुसिङ् मे़निःत्तुङ्ङिन्बारो॥
8 कर कन् लायोःल्ले़ साम्योइङ्जाःङ्लाम् सुये़म्खोःसुआङ् इङ्गाॽ आसिगाङ् काक् परिक्ले़न् खिःम्मा निङ्वाॽइन्फोःक्खु॥ थेआङ्भे़ल्ले़ साम्योथिम्मिन् होःप्ते़ल्ले़ग लायोःल्ले़ कुमुक्साम् होःप्ते़बारो॥
