6 खे़ङ्हाॽरे़ खुने़ॽ पाःन्नो थाःमाआङ् कुदक्ले़ङ्वाओबा पाःन्निन् खोःमा फाॽआङ् कन् सेःन्मे़दोसुआङ् वये़, कर ये़सुःन् थुःङ्सिङ्ङाङ् खाम्बाङ्ङो थेधेइ कुहुक्चोःल्ले़ साप्तुर युङे़॥
7 खे़ङ्हाॽरे़ ए़त्ले़ङ् सेःन्मे़दोसुबाल्ले़ चोगुल्ले़ खुने़ॽ पोगे़आङ् खे़ङ्हाॽ मे़त्तुसि, “खिनिॽओ आल्लो थारिक् लायो मे़न्जोःक्के के़वाॽबा हाःत् वाॽ? हाराॽ बा खे़ल्ले़ए के़रे़क्नुःल्ले़ तगि कन् मे़न्छुमाॽइन् लुङ्ङिल्ले़ ले़प्तुररो॥”
8 खुने़ॽ याम्मो अःक्खुम् फन्छिङ्ङाङ् खाम्बाङ्ङो साप्मा हेःक्तुरो॥
9 कन् पाःन्निन् मे़घे़प्सुआङ् के़रे़क्नुःल्ले़ तगि तुम्भाक्सा हे़क्क्याङ् खे़न्नाङ् योबाहाॽ थिक् थिक् लॽरिक् पेःक्मा मे़हेःक्ते़रो॥ हे़क्क्याङ् खे़प्मो ये़सुःन् नु खे़न् मे़न्छुमाॽइन्लक् याःक्ते़त्छिरो॥
10 हे़क्क्याङ् ये़सुःन् पोगे़आङ् खे़न् सेःन्दोसु “मामुए, खे़ने़ॽ पाःन् के़धिक्पाहाॽ आत्ति मे़बेबे? हाःत्ले़आङ् खे़ने़ॽ पाःन् के़न्धिक्ते़न्बि?”
11 खे़न् मे़न्छुमाॽइल्ले़ नोगप् पिरु, “होःप्लो, आदाङ्बे!” हे़क्केःल्ले़ ये़सुरे़आङ् मे़त्तु, “इङ्गाॽआङ् मे़धिक्ने़न्लो॥ पेगे़ॽओ, कर याम्मो आप्फाल्ले़आङ् लायो मे़जोगे़न्ने़ॽओ॥”))
