ᤕᤢᤜᤢᤴᤏᤠ 8:50-59 in Limbu

⁵⁰ ᤀᤡᤱᤃᤠ᤹ᤃ ᤀᤠᤵᤑᤣ᤺ᤰ ᤀᤠᤔᤡᤔᤡᤍᤡᤱᤅᤡᤴ ᤔᤧᤃᤥ᤺ᤳᤋᤢᤱᤅᤡᤴ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤔᤡᤔᤡᤍᤡᤱᤅᤡᤴ ᤁᤥ᤺ᤳᤋᤢ᤹. ᤜᤧᤰᤁᤩᤠᤱ ᤂᤢᤏᤧ᤹ᤀᤣ ᤂᤠᤛᤧᤴᤗᤥ᤺ᤶᤒᤠᤖᤥ॥

⁵¹ ᤀᤡᤱᤃᤠ᤹ ᤛᤧᤰᤂᤠᤀᤣ ᤔᤧᤳᤏᤡᤱ. ᤀᤠᤳᤋᤡᤸᤗᤧ ᤀᤠᤏᤡᤛᤠᤶᤔᤡᤴ ᤀᤡ᤺ᤳᤋᤢ ᤏᤠ᤺ᤳᤋᤢ᤹. ᤂᤧᤴ ᤀᤠᤵᤑᤠᤸᤗᤧᤀᤠᤱ ᤔᤧᤛᤡ᤺ᤏᤧᤴᤗᤥ॥”

⁵² ᤜᤧᤰᤁᤣ᤺ᤸᤗᤧ ᤕᤜᤢᤍᤡᤜᤠ᤹ᤖᤧ ᤂᤢᤏᤧ᤹ ᤔᤧᤔᤧᤳᤋᤢ. “ᤀᤠᤸᤗ ᤂᤧᤏᤧ᤹ ᤛᤧᤰᤂᤠᤀᤣ ᤑᤧᤴᤛᤠᤶᤔᤡᤸᤗᤧ ᤁᤧᤕᤠᤱᤄᤧᤀᤠᤱ ᤁᤧᤘᤠ᤹ ᤁᤧᤗ᤹ᤒᤠᤴ ᤁᤢᤛᤡᤱ ᤏᤡ᤺ᤳᤋᤢᤶᤒᤧᤖᤥ॥ ᤌᤣᤀᤠᤱᤓᤧᤸᤗᤧ ᤀᤒᤪᤠᤜᤠᤶᤔᤡᤴ ᤏᤢ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ ᤁᤠᤰ ᤔᤧᤛᤩᤧ ᤔᤧᤄᤧᤖᤧ. ᤁᤖ ᤂᤧᤏᤧ᤹. ᤀᤠᤳᤋᤡᤸᤗᤧ ᤀᤡᤱᤃᤠ᤹ ᤀᤠᤏᤡᤛᤠᤶᤔᤡᤴ ᤀᤡ᤺ᤳᤋᤢ ᤏᤠ᤺ᤳᤋᤢ᤹. ᤂᤧᤴ ᤀᤠᤵᤑᤠᤸᤗᤧᤀᤠᤱ ᤔᤧᤛᤡ᤺ᤏᤧᤴᤗᤥ ᤗ᤹ᤖᤡᤰ ᤁᤧᤒᤠ᤺ᤳᤋᤢ᤹ᤖᤥ॥

⁵³ ᤂᤧᤏᤧ᤹ ᤀᤠᤏᤡᤃᤧ ᤛᤢᤎᤧᤒᤠ ᤋᤠᤰᤌᤧᤒᤠ ᤀᤒᤪᤠᤜᤠᤶᤔᤡᤴᤏᤢ᤺ᤸᤗᤧᤀᤠᤱ ᤕᤶᤒᤠᤏᤧᤒᤡ᥅ ᤂᤢᤏᤧ᤹ᤃ ᤛᤩᤧ ᤜᤧᤰᤁᤩᤠᤱ ᤁᤠᤰ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ᤀᤠᤱ ᤔᤧᤛᤩᤧᤖᤥ॥ ᤂᤧᤏᤧ᤹ᤃ ᤀᤠᤒᤠᤅᤣ ᤜᤠ᤺ᤳᤀᤠ ᤁᤧᤗ᤹ᤒᤣ᥅”

⁵⁴ ᤕᤧᤛᤢᤖᤧ ᤏᤥᤃᤵ ᤐᤡᤖᤢᤛᤡ. “ᤀᤡᤱᤃᤠ᤹ ᤀᤠᤒᤠᤅᤣ ᤆᤶᤛᤡᤱᤅᤠᤏᤧ ᤑᤠ᤹ᤃᤪ ᤂᤧᤱᤃ ᤌᤣᤀᤠᤱ ᤔᤧ᤺ᤴᤗᤥ. ᤁᤖ ᤂᤡᤏᤡ᤹ ᤀᤠᤏᤡᤃᤧ ᤏᤡᤱᤘᤠ᤹ᤑᤢᤔᤠᤱ ᤁᤧᤔᤧᤳᤋᤢᤶᤒᤠ ᤐᤠᤏᤢᤍᤡᤱ ᤀᤠᤶᤒᤠᤖᤧᤀᤣ ᤀᤡᤱᤃᤠ᤹ ᤀᤠᤔᤡᤔᤡᤍᤡᤱ ᤆᤥᤃᤢ᤹ᤖᤥ॥

⁵⁵ ᤂᤡᤏᤡ᤹ᤃ ᤂᤢᤏᤧ᤹ ᤁᤢᤛᤡᤱ ᤁᤧᤴᤏᤡ᤺ᤳᤋᤢᤶᤔᤡᤴᤇᤠᤱ ᤀᤡᤱᤃᤠ᤹ ᤂᤢᤏᤧ᤹ ᤁᤢᤛᤡᤱ ᤏᤡ᤺ᤳᤋᤢᤱᤗᤥ॥ ᤀᤡᤱᤃᤠ᤹ ᤂᤢᤏᤧ᤹ ᤁᤢᤛᤡᤱ ᤔᤧᤏᤡ᤺ᤳᤋᤢᤱᤅᤡᤴ ᤗ᤹ᤖᤡᤰ ᤐᤠ᤺ᤳᤋᤢᤱᤏᤧ ᤑᤠ᤹ᤃᤪ ᤂᤡᤏᤡ᤹ ᤜᤧᤰᤁᤣᤀᤣ ᤀᤡᤱᤃᤠ᤹ ᤀᤡᤱᤗᤧᤰᤁᤣ ᤐᤥ᤺ᤱᤅᤠᤖᤥ. ᤁᤖ ᤀᤡᤱᤃᤠ᤹ ᤂᤢᤏᤧ᤹ ᤁᤢᤛᤡᤱ ᤏᤡ᤺ᤳᤋᤢᤱᤅᤠᤱ ᤁᤢᤒᤠ᤺ᤴᤈᤠᤰᤁᤡᤴ ᤀᤡ᤺ᤳᤋᤢᤱ ᤏᤠ᤺ᤳᤋᤢᤱᤗᤥ॥

⁵⁶ ᤂᤡᤏᤡ᤹ ᤛᤢᤎᤧᤒᤠ ᤋᤠᤰᤌᤧᤒᤠ ᤀᤒᤪᤠᤜᤠᤔᤖᤧᤀᤠᤱ ᤁᤴ ᤀᤠᤍᤠ᤺ᤔᤠ ᤕᤧᤶᤔᤡᤴ ᤀᤥᤔᤧᤵᤔᤠ ᤑᤠ᤹ᤀᤠᤱ ᤛᤠ᤹ᤖᤡᤰ ᤁᤢᤛᤡᤰ ᤛᤔᤧᤀᤠᤱ ᤘᤕᤧ॥ ᤜᤧᤰᤁᤩᤠᤱ ᤂᤧᤴ ᤕᤧᤴᤏᤡᤴ ᤏᤡ᤺ᤛᤢᤀᤠᤱ ᤛ᤺ᤳᤋᤧᤖᤥ॥”

⁵⁷ ᤕᤜᤢᤍᤡᤜᤠ᤹ᤖᤧ ᤂᤢᤏᤧ᤹ ᤔᤧᤔᤧᤳᤋᤢ. “ᤂᤧᤏᤧ᤹ᤃ ᤋᤱᤒᤣ ᤅᤠᤃᤡᤵᤐᤠᤱ (᥋᥆) ᤔᤧᤱᤃᤧᤳᤋᤣ ᤁᤧᤘᤠ᤹ ᤜᤧᤰᤁᤣ᤺ᤸᤗᤧ ᤀᤠᤰᤂᤣᤗ᤹ᤖᤡᤰ ᤀᤒᤪᤠᤜᤠᤶᤔᤡᤴ ᤁᤧᤏᤡ᤺ᤛᤢᤀᤠᤱ ᤁᤧᤘᤠ᤹ᤒᤣ᥅”

⁵⁸ ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤜᤧᤰᤁᤣ᤺ᤸᤗᤧ ᤀᤡᤱᤃᤠ᤹ ᤛᤧᤰᤂᤠᤀᤣ ᤔᤧᤳᤏᤡᤱᤗᤥ. ᤀᤒᤪᤠᤜᤠᤶᤔᤡᤴ ᤛᤠᤘᤠ᤺ᤴᤇᤡᤱᤔᤠᤏᤢ᤺ᤸᤗᤧ ᤋᤃᤡᤀᤠᤱᤎᤥᤀᤣ ᤀᤡᤱᤃᤠ᤹ ᤘᤠ᤹ᤀᤠᤖᤥ॥”

⁵⁹ ᤜᤧᤰᤁᤣ ᤐᤠ᤺ᤳᤋᤢᤸᤗᤧ ᤂᤧᤱᤜᤠ᤹ᤖᤧ ᤂᤢᤏᤧ᤹ ᤗᤧᤵᤔᤠ ᤛᤧᤵᤔᤠ ᤑᤠ᤹ᤀᤠᤱ ᤗᤢᤱ ᤔᤧᤄᤵᤛᤢ. ᤁᤖ ᤕᤧᤛᤢ᤺ᤴ ᤆᤡᤱᤛᤡᤱᤅᤠᤱ ᤔᤠᤱᤜᤡᤶ ᤗᤰᤂᤢᤶᤔᤥᤗᤠᤶ ᤛᤫᤠ᤺ᤳᤋᤠᤱ ᤗ᤺ᤴᤍᤧ ᤐᤣᤖᤥ॥

⁵⁰ इङ्‌गाॽग आप्‍फेःक् आमिमिदिङ्‌ङिन् मे़गोःत्तुङ्‌ङिन्, कर निङ्‌वाॽफुमाङ्‌ङिल्‍ले़ आमिमिदिङ्‌ङिन् कोःत्तुॽ, हे़क्‍क्‍याङ् खुने़ॽए खासे़न्‍लोःम्‍बारो॥

⁵¹ इङ्‌गाॽ से़क्‍खाए मे़त्‍निङ्, आत्तिल्‍ले़ आनिसाम्‍मिन् इःत्तु नाःत्तुॽ, खे़न् आप्‍फाल्‍ले़आङ् मे़सिःने़न्‍लो॥”

⁵² हे़क्‍केःल्‍ले़ यहुदिहाॽरे़ खुने़ॽ मे़मे़त्तु, “आल्‍ल खे़ने़ॽ से़क्‍खाए फे़न्‍साम्‍मिल्‍ले़ के़याङ्‌घे़आङ् के़वाॽ के़लॽबान् कुसिङ् निःत्तुम्‍बे़रो॥ थेआङ्‌भे़ल्‍ले़ अब्राहाम्‍मिन् नु माङ्‌निङ्‌वाॽपाःन् के़बाःप्‍पाहाॽ काक् मे़स्‍ये़ मे़घे़रे़, कर खे़ने़ॽ, आत्तिल्‍ले़ इङ्‌गाॽ आनिसाम्‍मिन् इःत्तु नाःत्तुॽ, खे़न् आप्‍फाल्‍ले़आङ् मे़सिःने़न्‍लो लॽरिक् के़बाःत्तुॽरो॥

⁵³ खे़ने़ॽ आनिगे़ सुधे़बा ताक्‍थे़बा अब्राहाम्‍मिन्‍नुःल्‍ले़आङ् यम्‍बाने़बि? खुने़ॽग स्‍ये़ हे़क्‍क्‍याङ् काक् माङ्‌निङ्‌वाॽपाःन् के़बाःप्‍पाहाॽआङ् मे़स्‍ये़रो॥ खे़ने़ॽग आबाङे हाःत्‍आ के़लॽबे?”

⁵⁴ ये़सुरे़ नोगप् पिरुसि, “इङ्‌गाॽ आबाङे चम्‍सिङ्‌ङाने़ फाॽग्र खे़ङ्‌ग थेआङ् मे़ःन्‍लो, कर खिनिॽ आनिगे़ निङ्‌वाॽफुमाङ् के़मे़त्तुम्‍बा पानुदिङ् आम्‍बारे़ए इङ्‌गाॽ आमिमिदिङ् चोगुॽरो॥

⁵⁵ खिनिॽग खुने़ॽ कुसिङ् के़न्‍निःत्तुम्‍मिन्‍छाङ् इङ्‌गाॽ खुने़ॽ कुसिङ् निःत्तुङ्‌लो॥ इङ्‌गाॽ खुने़ॽ कुसिङ् मे़निःत्तुङ्‌ङिन् लॽरिक् पाःत्तुङ्‌ने़ फाॽग्र खिनिॽ हे़क्‍केए इङ्‌गाॽ इङ्‌ले़क्‍के पोःङ्‌ङारो, कर इङ्‌गाॽ खुने़ॽ कुसिङ् निःत्तुङ्‌ङाङ् कुबाःन्‍जाक्‍किन् इःत्तुङ् नाःत्तुङ्‌लो॥

⁵⁶ खिनिॽ सुधे़बा ताक्‍थे़बा अब्राहामरे़आङ् कन् आदाःमा ये़म्‍मिन् ओमे़प्‍मा फाॽआङ् साॽरिक् कुसिक् समे़आङ् वये़॥ हे़क्‍क्‍याङ् खे़न् ये़न्‍निन् निःसुआङ् सःत्ते़रो॥”

⁵⁷ यहुदिहाॽरे़ खुने़ॽ मे़मे़त्तु, “खे़ने़ॽग तङ्‌बे ङागिप्‍पाङ् (५०) मे़ङ्‌गे़त्ते के़वाॽ हे़क्‍केःल्‍ले़ आक्‍खेलॽरिक् अब्राहाम्‍मिन् के़निःसुआङ् के़वाॽबे?”

⁵⁸ ये़सुरे़ खे़ङ्‌हाॽ मे़त्तुसि, “हे़क्‍केःल्‍ले़ इङ्‌गाॽ से़क्‍खाए मे़त्‍निङ्‌लो, अब्राहाम्‍मिन् सावाःन्‍छिङ्‌मानुःल्‍ले़ तगिआङ्धोए इङ्‌गाॽ वाॽआरो॥”

⁵⁹ हे़क्‍के पाःत्तुल्‍ले़ खे़ङ्‌हाॽरे़ खुने़ॽ ले़प्‍मा से़प्‍मा फाॽआङ् लुङ् मे़घप्‍सु, कर ये़सुःन् चिङ्‌सिङ्‌ङाङ् माङ्‌हिम् लक्‍खुम्‍मोलाम् स्‍वाःत्ताङ् लःन्‍दे़ पेरो॥