48 यहुदिहाॽरे़ ये़सुःन् नोगप् मे़बिरु, “खे़ने़ॽ सामरि सुवाङ्बाने़ हे़क्क्याङ् खे़ने़ॽ फे़न्साम्मिल्ले़ के़दरे़आङ् वाॽ फाॽआङ् आनिगे़ पाःत्तुम्बे़बा पाःन्निन् से़क्खाएरो॥”
49 ये़सुरे़ खे़ङ्हाॽ मे़त्तुसि, “इङ्गाॽग फे़न्साम्मिल्ले़ मे़न्याङ्ङे वाॽआरो॥ इङ्गाॽ पानुदिङ् आम्बाःन् मिङ्सो इङ्धाःङ् पिरुङ्, कर खिनिॽग इङ्गाॽ इङ्धाःङ् याप्मि के़म्बिरिन्लो॥
50 इङ्गाॽग आप्फेःक् आमिमिदिङ्ङिन् मे़गोःत्तुङ्ङिन्, कर निङ्वाॽफुमाङ्ङिल्ले़ आमिमिदिङ्ङिन् कोःत्तुॽ, हे़क्क्याङ् खुने़ॽए खासे़न्लोःम्बारो॥
51 इङ्गाॽ से़क्खाए मे़त्निङ्, आत्तिल्ले़ आनिसाम्मिन् इःत्तु नाःत्तुॽ, खे़न् आप्फाल्ले़आङ् मे़सिःने़न्लो॥”
