28 खे़ल्ले़ चोगुल्ले़ ये़सुरे़ खे़ङ्हाॽ मे़त्तुसि, “खिनिॽ मे़न्छाम्साःन् थाःङ् के़बक्खुम्मिल्ले़ इङ्गाॽ हाःत्आ फाॽआङ् निङ्वाॽ के़घोःसुम्लो हे़क्क्याङ् इङ्गाॽ आबाङे मे़बाःत्तान् कर इङ्गाॽ पानुदिङ् पाःल्ले़ हुॽराङ्बा पाःन्लक् पाःत्ता फाॽआङ् निङ्वाॽ के़घोःसुम्लो॥
29 इङ्गाॽ याप्मि के़बाङ्बाङ्ग सदादिङ् इङ्गाॽनु वाॽरो॥ खुने़ॽग आप्फाल्ले़आङ् इङ्गाॽ एःक् मे़ल्ले़त्ते वाॽरो, थेआङ्भे़ल्ले़ इङ्गाॽ सदादिङ् कुनिङ्वाॽ के़दाःबा याःम्बक् चोगुङ्लो॥
30 खुने़ॽ अक्खेलॽरिक् पाःत्तुल्ले़ यरिक् मनाहाॽरे़ खुने़ॽओ नसाःन् मे़जोगुरो॥”
31 ये़सुरे़ खुने़ॽओ नसाःन् के़जोःक्पा यहुदिहाॽ मे़त्तुसि, “इङ्गाॽ से़क्खाए मे़त्निङ्, इङ्गाॽ पाःत्तुङ्बा पाःन्हाॽओ चक्मे़ल्लॽए के़बत्छिॽने़ फाॽग्र से़क्खाए आहुॽसाम्बा के़बोःक्खिॽरो॥
