ᤕᤢᤜᤢᤴᤏᤠ 7:43-49 in Limbu

⁴³ ᤀᤰᤂᤣᤗ᤹ᤖᤡᤰ ᤕᤧᤛᤢᤖᤧ ᤁᤢᤕᤠ᤺ᤶᤒᤣᤀᤥ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ ᤔᤧᤍᤅᤧᤴᤏᤠᤱ ᤔᤧᤛᤧᤖᤧᤖᤥ॥

⁴⁴ ᤁᤢᤓᤠᤖᤧ ᤂᤢᤏᤧ᤹ ᤋᤧᤶᤔᤠ ᤔᤧᤃᤥ᤺ᤳᤋᤢ. ᤁᤖ ᤀᤠᤳᤋᤡᤴᤜᤠ᤹ᤖᤧᤀᤠᤱ ᤂᤢᤏᤧ᤹ ᤜᤢᤰ ᤔᤧᤴᤕᤠᤰᤋᤢᤴᤗᤥ॥

⁴⁵ ᤜᤧᤰᤁᤩᤠᤱ ᤂᤢᤏᤧ᤹ ᤁᤢᤍᤧᤶᤛᤧ ᤁᤧᤍᤠ᤺ᤒᤠ ᤔᤠᤱᤜᤡᤶᤔᤥᤒᤠ ᤋᤡᤗᤡᤱᤃᤠᤜᤠ᤹. ᤋᤢᤶᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ ᤏᤢ ᤑᤖᤡᤛᤡᤜᤠ᤹ᤖᤥ ᤀᤠᤶᤓᤠ ᤔᤧᤏᤢ᤺ᤰᤂᤧ ᤔᤧᤒᤣᤖᤥ॥ ᤂᤧᤱᤜᤠ᤹ᤖᤧ ᤔᤠᤱᤜᤡᤶᤔᤥᤒᤠ ᤋᤡᤗᤡᤱᤃᤠᤜᤠ᤹ ᤛᤣ᤺ᤴᤔᤧᤍᤥᤛᤢᤛᤡ “ᤌᤣᤀᤠᤱ ᤂᤢᤏᤧ᤹ ᤁᤧᤴᤍᤧᤶᤛᤢᤶᤔᤡᤴ ᤁᤧᤴᤍᤠᤖᤢᤔᤡᤶᤒᤠᤒᤣ᥅”

⁴⁶ ᤂᤧᤱᤜᤠ᤹ᤖᤧ ᤏᤥᤃᤵ ᤔᤧᤒᤡᤖᤢᤛᤡ. “ᤀᤠᤳᤋᤡᤴᤏᤠᤱ ᤂᤧᤴ ᤔᤏᤠ᤺ᤴ ᤜᤧᤰᤁᤣ ᤐᤠᤖᤧᤒᤠᤃ ᤔᤧᤱᤄᤧᤶᤔᤣ ᤘᤠ᤹ᤖᤥ॥”

⁴⁷ ᤜᤧᤰᤁᤣ᤺ᤸᤗᤧ ᤑᤖᤡᤛᤡᤜᤠ᤹ᤖᤧ ᤂᤧᤱᤜᤠ᤹ ᤔᤧᤔᤧᤳᤋᤢᤛᤡ. “ᤔᤧ᤺ᤶᤒᤧ. ᤂᤡᤏᤡ᤹ᤀᤠᤱ ᤂᤧᤸᤗᤧ ᤁᤢᤀᤡᤱᤗᤧᤰᤁᤥ ᤁᤧᤎᤩᤧ᤹ᤀᤡᤒᤡ ᤌᤧᤔᤠᤒᤣ᥅

⁴⁸ ᤀᤠᤏᤡ᤹ ᤗᤠᤶᤗᤥ᤺ᤒᤠ ᤏᤢ ᤑᤖᤡᤛᤡᤜᤠ᤹ᤖᤧ ᤂᤢᤏᤧ᤹ᤀᤥ ᤏᤛᤠ᤺ᤴ ᤔᤧᤈᤥᤃᤢᤀᤠᤱ ᤘᤠ᤹ᤒᤡ᥅

⁴⁹ ᤀᤠᤳᤋᤡᤸᤗᤧᤀᤠᤱ ᤔᤧᤴᤈᤥ᤺ᤰᤁᤣ ᤘᤠ᤹॥ ᤁᤴ ᤛᤠᤶᤕᤥᤌᤡᤶᤔᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤌᤣᤀᤠᤱ ᤔᤧᤸᤗᤧᤔᤏᤠᤒᤠ ᤔᤏᤠᤜᤠ᤹ᤖᤧᤖᤰ ᤔᤧᤈᤥᤃᤢᤀᤠᤱ ᤘᤠ᤹ᤖᤥ॥ ᤁᤴ ᤔᤏᤠᤜᤠ᤹ᤃ ᤏᤡᤱᤘᤠ᤹ᤑᤢ ᤛᤠᤱᤃᤪᤠᤖᤧ ᤋᤧᤳᤋᤢᤛᤡᤀᤠᤱ ᤘᤠ᤹ᤖᤥ॥”

⁴³ अक्‍खेलॽरिक् ये़सुरे़ कुयाःम्‍बेओ मनाहाॽरे़ खुनिॽ निङ्‌वाॽ मे़दङे़न्‍नाङ्‌मे़से़रे़रो॥

⁴⁴ कुभारे़ खुने़ॽ ते़म्‍मा मे़गोःत्तु, कर आत्तिन्‍हाॽरे़आङ्‌खुने़ॽ हुक् मे़न्‌याक्‍तुन्‍लो॥

⁴⁵ हे़क्‍क्‍याङ् खुने़ॽ कुदे़म्‍से़ के़दाःबा माङ्‌हिम्‍मोबा तिलिङ्‌गाहाॽ, तुम्निङ्‌वाॽफुसाम्‍बाहाॽ नु फरिसिहाॽरो आम्‍भा मे़नुःक्‍खे़ मे़बेरो॥ खे़ङ्‌हाॽरे़ माङ्‌हिम्‍मोबा तिलिङ्‌गाहाॽ सेःन्‍मे़दोसुसि “थेआङ् खुने़ॽ के़न्‍दे़म्‍सुम्‍मिन् के़न्‍दारुमिम्‍बाबे?”

⁴⁶ खे़ङ्‌हाॽरे़ नोगप् मे़बिरुसि, “आत्तिन्‍नाङ् खे़न् मनाःन् हे़क्‍के पारे़बाग मे़ङ्‌घे़म्‍मे वाॽरो॥”

⁴⁷ हे़क्‍केःल्‍ले़ फरिसिहाॽरे़ खे़ङ्‌हाॽ मे़मे़त्तुसि, “मे़ःम्‍बे़, खिनिॽआङ् खे़ल्‍ले़ कुइङ्‌ले़क्‍को के़ध्‍ये़ॽइबि थे़माबे?

⁴⁸ आनिॽ लाम्‍लोःबा नु फरिसिहाॽरे़ खुने़ॽओ नसाःन् मे़जोगुआङ् वाॽबि?

⁴⁹ आत्तिल्‍ले़आङ् मे़न्‍जोःक्‍के वाॽ॥ कन् साम्‌योथिम्‍मिल्‍ले़ कुयाःम्‍बेओ थेआङ् मे़ल्‍ले़मनाबा मनाहाॽरे़रक् मे़जोगुआङ् वाॽरो॥ कन् मनाहाॽग निङ्‌वाॽफु साङ्‌ग्रारे़ ते़त्तुसिआङ् वाॽरो॥”