24 मना ओमे़प्मासिआङ्मे़ःन् कर से़क्खाओ खासे़न् लोःन्दे़म्मे़ॽओ॥”
25 खे़न् ये़म्मो यरुसले़म के़युङ्बा कुभा मनाहाॽ अक्खे मे़मे़त्छिङ्, “मे़ःम्बे़, से़प्मा मे़गोःत्तुर मे़वाॽबा मनाःन् बा कन् मे़ःम्बि?
26 कर कङ्ग मनाहाॽरे़ मे़घे़प्सुरए पाःत्ल वाॽरो॥ हे़क्केसाङ् खे़ङ्हाॽरे़ थेआङ् मे़म्मे़त्तुन्लो॥ मे़ःम्बे़, आनिॽ लाम्लोःबाहाॽरे़ खुने़ॽए निङ्वाॽफुमाङ्ङिल्ले़ सेःन्दुबा ख्रिस्त फाॽआङ् कुसिङ् मे़निःत्तुबि?
27 कन् मनाःन् आत्तोलाम् त्ये़ के़लॽबा आनिॽ आनिःसुम्लो॥ कर निङ्वाॽफुमाङ्ङिल्ले़ सेःन्दुबा ख्रिस्ते़न्ताःल्ले़ग खुने़ॽ थाःम्सिङ्लक्लो, खुने़ॽ आत्तोलाम् ताः के़लॽबा आत्तिल्ले़आङ् मे़निःसुन्लो॥”
28 ये़सुरे़ माङ्हिम्मो हुॽरुसिर पत्छे़ल्ले़ यम्बा इक्लाओ अक्खेलॽरिक् पारे़, “ओरो, खिनिॽ इङ्गाॽ कुसिङ् याप्मि के़निःत्तिॽ हे़क्क्याङ् आत्तोलाम् त्याङ्बा खे़न्नाङ् खिनिॽ के़निःसुम्, कर इङ्गाॽ आबाङे त्याङ्बा मे़ःन्लो॥ इङ्गाॽ याप्मि के़बाङ्बाङ्ग से़क्खाए चोःक् हे़क्क्याङ् खुने़ॽग खिनिॽ कुसिङ् के़न्निःत्तुम्मिन्लो,
