39 हे़क्क्याङ् याप्मि के़बाङ्बा निङ्वाॽफुमाङ्ङिल्ले़ इङ्गाॽ पिराङ्बा लत्थिक्काङ् मे़म्माए कत्तुङ्सिङ्ल हे़क्क्याङ् कुनुप्मा ये़न्नो कुहिङ्वे़त् चोगुङ्सिङ्ल के़लॽबा खुने़ॽ कुनिङ्वाॽ वाॽरो॥
40 थेआङ्भे़ल्ले़ कुस्साःन् के़निःबाआङ् नसाःन् के़जोःक्पा के़रे़क्ले़ मे़न्नुप्मनाबा हिङ्मन् मे़घोःसुर के़लॽबा पानुदिङ् आम्बारे़ कुनिङ्वाॽ वाॽरो॥ हे़क्क्याङ् कुनुप्मा ये़न्नो खे़ङ्हाॽ कुहिङ्वे़त् चोगुङ्सिङ्लो॥”
41 हे़क्क्याङ् यहुदिहाॽरे़ “‘ये़सुरे़ इङ्गाॽ साङ्ग्राम्पेदाङ्लाम् के़युःबा खरे़ःङ्आ’” पाःत्तुबा पाःन्नो खुनिॽ निङ्वाॽ मे़द्ये़ने़न्नाङ् मुनुक्नुक् लॽमा मे़हेःक्ते़रो॥
42 खे़ङ्हाॽ अक्खे मे़मे़त्छिङ्, “कन् युसुफरे़ कुस्साः ये़सुःन् मे़ःम्बि? कल्ले़ कुम्बा कुम्मासि आनिॽ कुसिङ् आन्निःत्तुम्सिम्मिम्बि? हे़क्केःल्ले़ आक्खेआङ् खे़ल्ले़ ‘इङ्गाॽ साङ्ग्राम्पेदाङ्लाम् त्याङ्बा’ पाःप्मा सुक्तुबाबे?”
43 कर ये़सुरे़ खे़ङ्हाॽ नोगप् पिरुसि, “खिनिॽ मुनुक्नुक् मे़लॽरे़म्मिन्ने़ॽ,
44 थेआङ्भे़ल्ले़ इङ्गाॽ याप्मि के़बाङ्बा पानुदिङ् पाःल्ले़ मनाहाॽ इङ्गाॽओ ताःमा निङ्वाॽ मे़बिरुन्सिन्ल थारिक् आत्तिन्नाङ् इङ्गाॽओ ताःमा मे़न्छुक्ने़न्लो॥ खे़ङ्हाॽ मे़दाने़ फाॽग्र इङ्गाॽ कुनुप्मा ये़न्नो कुहिङ्वे़त् चोगुङ्सिङ्लो॥
