ᤕᤢᤜᤢᤴᤏᤠ 6:17-22 in Limbu

¹⁷ ᤁᤖ ᤂᤠᤍᤠᤔᤧᤛᤠᤱ ᤂᤢᤏᤧ᤹ ᤂᤧᤵᤔᤥ ᤔᤧᤕᤧᤏᤧᤴᤒᤠᤸᤗᤧ ᤆᤥᤃᤢᤸᤗᤧ ᤁᤢᤜᤢ᤹ᤛᤠᤶᤒᤠᤜᤠ᤹ ᤂ᤺ᤱᤒᤣᤀᤥ ᤔᤧᤗᤠ᤺ᤛᤧᤀᤠᤱ ᤏᤠᤜᤠᤱᤍᤠᤱ ᤁᤐᤷᤏᤜᤢᤔ ᤐᤠᤱᤈᤢᤶ ᤗᤧᤵᤔᤠᤱ ᤔᤧᤎᤠᤛᤡᤱᤗᤥ॥

¹⁸ ᤂᤧᤱᤜᤠ᤹ ᤔᤧᤒᤣᤖ ᤔᤧᤒᤳᤇᤧᤸᤗᤧ ᤘᤖᤰᤁᤥ ᤁᤡᤵᤔᤠ ᤁᤧᤄᤢ᤺ᤒᤠ ᤛᤢᤖᤡᤳ ᤁᤣᤈᤱᤅᤡᤴ ᤜᤢ᤺ᤔᤠ ᤜᤣ᤺ᤰᤋᤧᤀᤠᤱ ᤘᤠᤓᤧᤸᤗᤧᤱᤅᤡᤴ ᤐᤥᤃᤧᤖᤥ॥

¹⁹ ᤂᤧᤱᤜᤠ᤹ ᤅᤠᤛᤡ-ᤋᤢᤰᤛᤡ (᥋-᥌) ᤁᤡᤗᤥᤔᤡᤋᤖ ᤔᤧᤒᤣᤀᤠᤱ ᤔᤧᤘᤕᤧᤸᤗᤧ ᤂᤧᤱᤜᤠ᤹ᤖᤧ ᤜᤰᤆᤄᤳ ᤕᤧᤛᤢ᤺ᤴ ᤆᤫᤠ᤺ᤳᤋᤥ ᤗᤠᤱᤄᤣᤃᤧᤖ ᤂᤢᤏᤡ᤹ ᤐᤣᤛᤠᤱ ᤑᤧᤖᤧᤖ ᤐᤳᤇᤧᤒᤠ ᤔᤧᤏᤡ᤺ᤛᤢᤀᤠᤱ ᤂᤧᤱᤜᤠ᤹ ᤛᤠ᤹ᤖᤡᤰ ᤔᤧᤃᤡᤛᤧᤖᤥ॥

²⁰ ᤁᤖ ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤀᤡᤱᤃᤠ᤹ ᤕᤧᤛᤢᤀᤠ. ᤔᤧᤃᤡᤛᤧᤶᤔᤡᤴᤏᤧ᤹॥”

²¹ ᤜᤧᤰᤁᤣ᤺ᤸᤗᤧ ᤁᤢᤜᤢ᤹ᤛᤠᤶᤒᤠᤜᤠ᤹ ᤔᤧᤛ᤺ᤳᤋᤧᤖ ᤂᤢᤏᤧ᤹ ᤂ᤺ᤱᤒᤣᤀᤥ ᤔᤧᤕᤢᤰᤂᤢᤖᤥ॥ ᤜᤧᤰᤁᤩᤠᤱ ᤂᤧᤱᤜᤠ᤹ ᤔᤧᤒᤣᤖ ᤔᤧᤒᤳᤇᤧᤒᤠ ᤋᤧᤴᤏᤥ ᤂᤡᤔᤥ ᤂᤢᤏᤡ᤹ ᤂ᤺ᤱᤒᤣᤴ ᤁᤧᤖᤧᤖᤥ॥

²² ᤜᤧᤰᤁᤩᤠᤱ ᤘᤖᤰᤁᤡᤸᤗᤧ ᤏᤠᤎᤠ᤺ᤶᤒᤡ ᤁᤧᤘᤠ᤹ᤒᤠ ᤔᤏᤠᤜᤠ᤹ᤖᤧ ᤌᤡᤰᤗᤰ ᤂ᤺ᤱᤒᤣᤴ ᤏᤧᤛ᤻ᤛᤧᤒᤠ ᤔᤧᤏᤡ᤺ᤛᤢ ᤜᤧᤰᤁᤩᤠᤱ ᤕᤧᤛᤢ᤺ᤴ ᤂ᤺ᤱᤒᤣᤀᤥ ᤁᤢᤜᤢ᤹ᤛᤠᤶᤒᤠᤜᤠ᤹ᤏᤢ ᤔᤧᤗᤠ᤺ᤛᤧᤶᤒᤠ ᤁᤖ ᤂᤢᤏᤧ᤹ ᤁᤢᤜᤢ᤹ᤛᤠᤶᤒᤠᤜᤠ᤹ᤖᤰ ᤔᤧᤒᤣᤒᤠ ᤐᤠ᤺ᤴᤏᤡᤴ ᤁᤢᤍᤠ᤺ᤴᤍᤡᤰᤔᤠᤖᤰ ᤁᤢᤛᤡᤱ ᤔᤧᤏᤡ᤺ᤳᤋᤢ॥

¹⁷ कर खादामे़साङ् खुने़ॽ खे़प्‍मो मे़ये़ने़न्‍बाल्‍ले़ चोगुल्‍ले़ कुहुॽसाम्‍बाहाॽ खःङ्‌बेओ मे़लाःसे़आङ् नाहाङ्‌दाङ् कपर्नहुम पाङ्‌जुम् ले़प्‍माङ् मे़धासिङ्‌लो॥

¹⁸ खे़ङ्‌हाॽ मे़बेर मे़बत्‍छे़ल्‍ले़ वरक्‍को किप्‍मा के़घुःबा सुरित् केजङ्‌ङिन् हुःमा हेःक्‍ते़आङ् वाभे़ल्‍ले़ङ्‌ङिन् पोगे़रो॥

¹⁹ खे़ङ्‌हाॽ ङासि-तुक्‍सि (५-६) किलोमितर मे़बेआङ् मे़वये़ल्‍ले़ खे़ङ्‌हाॽरे़ हक्‍चघत् ये़सुःन् च्‍वाःत्तो लाङ्‌घेगे़र खुनिॽ पेसाङ् फे़रे़र पत्‍छे़बा मे़निःसुआङ् खे़ङ्‌हाॽ साॽरिक् मे़गिसे़रो॥

²⁰ कर ये़सुरे़ खे़ङ्‌हाॽ मे़त्तुसि, “इङ्‌गाॽ ये़सुआ, मे़गिसे़म्‍मिन्‍ने़ॽ॥”

²¹ हे़क्‍केःल्‍ले़ कुहुॽसाम्‍बाहाॽ मे़सःत्ते़र खुने़ॽ खःङ्‌बेओ मे़युक्‍खुरो॥ हे़क्‍क्‍याङ् खे़ङ्‌हाॽ मे़बेर मे़बत्‍छे़बा ते़न्‍नो खिमो खुनिॽ खःङ्‌बेन् के़रे़रो॥

²² हे़क्‍क्‍याङ् वरक्‍किल्‍ले़ नाधाःम्‍बि के़वाॽबा मनाहाॽरे़ थिक्‍लक् खःङ्‌बेन् ने़स्‍से़बा मे़निःसु हे़क्‍क्‍याङ् ये़सुःन् खःङ्‌बेओ कुहुॽसाम्‍बाहाॽनु मे़लाःसे़म्‍बा कर खुने़ॽ कुहुॽसाम्‍बाहाॽरक् मे़बेबा पाःन्‍निन् कुदाःन्‍दिक्‍मारक् कुसिङ् मे़निःत्तु॥