32 कर इङ्गाॽ आयाःम्बेओ तोःन्दि के़बिबाङ्ग वेॽधिक् वाॽरो॥ हे़क्क्याङ् खुने़ॽ कुदोःन्दिङ्ग से़क्खा चोःक्लो॥”
33 से़क्खाए खिनिॽ बप्तिस्मा के़बिबा युहुन्नारो कुबाःन् खे़म्से़ के़बाङ्घुम्सिम् हे़क्क्याङ् से़क्खाःल्ले़ कुयाःम्बेओ खुने़ॽ तोःन्दि पिरुआङ् वाॽरो॥
34 इङ्गाॽ आयाःम्बेओ मे़न्छाम् याप्मिहाॽरे़न् तोःन्दि चाहाबा मे़जोःक्कान्लो, कर कन् काक् पाःन्हाॽग खिनिॽ से़न्लप् के़घोःसुम्ल फाॽआङ् मे़त्निङ्बारो॥
35 युहुन्नाःङ्ग सेमि कुइसिःक् के़दिःप्पा नु ओःत्ति के़बिबा वये़ हे़क्क्याङ् सप्फाधिक्साङ् खुने़ॽ कुओःत्तिःन् खिनिॽ सिराॽ थाङे़रो,
36 कर इङ्गाॽ आयाःम्बेओ युहुन्नाःल्ले़ कुदोःन्दिन्नुःल्ले़आङ् यम्बा तोःन्दि वाॽ, खे़ङ्ग चोगुङ्ल वाॽआबा आम्बारे़ चोःक्मा सुःप्मा फाॽआङ् पिराङ्बा याःम्बक्किल्ले़ए पानुदिङ् आम्बा निङ्वाॽफुमाङ्ङिल्ले़ पाङ्घाङ्बा फाॽआङ् तोःन्दि के़बिरिरो॥
37 हे़क्क्याङ् याप्मि के़बाङ्बा पानुदिङ् पाःल्ले़ इङ्गाॽ आयाःम्बेओ तोःन्दि पिरुआङ् वाॽरो॥ खिनिॽ आप्फाल्ले़आङ् कुबाःन् मे़ङ्घे़म्मे नु खुने़ॽ मे़न्निए के़वयिॽरो॥
