19 खे़न् मे़न्छुमाॽइल्ले़ ये़सुःन् मे़त्तु, “आदाङ्बे, खे़ने़ॽग से़क्खाए माङ्निङ्वाॽपाःन् के़बाःप्पाने़ फाॽआङ् कुसिङ् निःत्ने़ॽरो॥
20 आनिगे़ सामरि ताक्थे़बाहाॽरे कप्मो गेरिजिम कोःक्माओए सेवा मे़जोगु, कर खिनिॽ यहुदिहाॽरे़ सेवा चोःक्मा ते़न्निङ्ग यरुसले़म्लक् फाॽआङ् के़बाःत्तुम्लो॥”
21 ये़सुरे़ नोगप् पिरु, “आल्ल सुये़म्मिन् तार पत्लो लॽरिक् इङ्गाॽ मे़त्ने़बा पाःन्निन्नसाःन् चोगे़ॽओ॥ खे़न् ये़म्मो पानुदिङ् पाः निङ्वाॽफुमाङ्ङिन् सेवा चोःक्से़ खिनिॽ कन् कोःक्माओ इग्र यरुसले़म्मो, आत्तोआङ् के़म्बेगिन्लो॥
22 खिनिॽ सामरिहाॽरे़ कुसिङ् के़न्निःत्तुम्मिन् हाबा खे़न् सेवा के़जोगुम्, कर आनिगे़ यहुदिहाॽरे़ कुसिङ्निःत्तुम्बे़बान् सेवा चोगुम्बे़ॽ, थेआङ्भे़ल्ले़ यहुदिहाॽलाम्मे से़न्लप्पिन् ताःरो॥
