2 ये़सुःन् नु कुहुॽसाम्बाहाॽआङ् मे़उःत्तुसिआङ् खे़प्मो मे़बेआङ् मे़वये़॥
3 खे़न् ते़न्धाम्गे़न् मेःक्खिम्मो चे़ल्ले़क्सेॽ थिःन् माःरे़ल्ले़ ये़सुरे़ कुम्मा पेआङ् ये़सुःन् मे़त्तु, “आल्ल खे़ङ्हाॽरे़ चे़ल्ले़क्सेॽ थिःन् मिःसाक्काङ् मे़ङ्गत्तुन्लो॥”
4 हे़क्केःल्ले़ ये़सुरे़ नोगप् पिरु, “आम्मौ, थेआङ् कन् पाःन्निन् इङ्गाॽ के़मे़त्ताबाबे? थेआङ्भे़ल्ले़ इङ्गाॽ आयाःम्बक् चोःक्मा ये़म्मिन् आल्ल थारिक् मे़न्दाए वाॽरो॥”
5 कर कुम्मा पेआङ् खे़प्मोबा सेवारोबाहाॽ मे़त्तुसि, “खुने़ॽ पाःत्तुबा हे़क्केए चोगे़म्मे़ॽओ॥”
6 खे़प्मो यहुदि सेसे चोःक्सिङ्मा थिम्मो ओगप् चोःक्मनाबा च्वाःत् याङ्मा तुक्सि (६) यम्बा खोःम्मनाबा लुङ् कुःन्दाहाॽ मे़युङे़॥ खे़न् थिक्को सुम्बोःङ् (३०) पाथि थारिक् च्वाःत् के़हप्पा चोगे़रो॥
7 ये़सुरे़ खे़न् सेवारोबाहाॽ मे़त्तुसि, “कन् कुःन्दाहाॽ च्वाःत्तिल्ले़ कुले़म् थिम्से़म्सिम्मे़ॽ॥” हे़क्क्याङ् खे़ङ्हाॽरे़आङ् कुःन्दाहाॽ कुले़ःम् कुले़ःम् मे़धिम्सुसिरो॥