19 हे़क्केःल्ले़ ये़सुरे़ नोगप् पिरुसि, “पोःङ्, कन् माङ्हिम्मिन् यःसे़म्मे़ॽ हे़क्क्याङ् इङ्गाॽ सुम्ये़न्नो याम्मो चोगुङ्॥”
20 यहुदिहाॽरे़ खुने़ॽ मे़मे़त्तु, “आक्खेमु? कन् माङ्हिम्मिन् तङ्बे लि-तुक्कोरक् (४६) चोःक्मा चुरे़ल्ले़ खे़ने़ॽ सुम्ये़न्नोए के़जोगुॽमु!”
21 कर ये़सुरे़ पाःत्तुबा माङ्हिम्मिङ्ग आबाङे कुधक्किल्ले़ कुयाःम्बेओ पाःत्तुआङ् वये़बारो॥
22 ताःन्दि खुने़ॽ सिःमे़न्लाम् कुहिङ्वे़त् पोःक्खे़आङ्लक् खुने़ॽ पाःत्तुबा खे़न् पाःन्निन् कुहुॽसाम्बाहाॽरे़ निङ्वाॽ मे़इःत्तु, हे़क्क्याङ् ये़सुरे़ पाःत्तुआङ् वये़बा पाःन्जाक्हाॽ नु साम्योसाप्लाःन् नसाःन् मे़जोगुरो॥
23 खुने़ॽ यरुसले़म्मो वये़ल्ले़ यहुदि चोःक्युम्भो तङ्नाम्मो चोगुबा निङ्वाॽ के़माबा याःम्बक्किन् यरिक् मनाहाॽरे़ मे़निःसुआङ् खुने़ॽ नसाःन् मे़जोगुरो॥
