ᤕᤢᤜᤢᤴᤏᤠ 1:37-44 in Limbu

³⁷ ᤕᤢᤜᤢᤴᤏᤠ᤺ᤸᤗᤧ ᤜᤧᤰᤁᤣ ᤐᤠ᤺ᤳᤋᤢᤒᤠ ᤁᤢᤜᤢ᤹ᤛᤠᤶᤒᤠᤜᤠ᤹ᤖᤧ ᤂᤧᤵᤛᤧᤳᤇᤢᤀᤠᤱ ᤕᤧᤛᤢ᤺ᤴ ᤋᤡᤶᤍᤧᤛᤢᤖᤥ॥

³⁸ ᤕᤧᤛᤢ᤺ᤴ ᤀᤣᤃᤠᤱ ᤜᤡᤛᤡᤱᤅᤡᤸᤗᤧ ᤂᤧᤱᤜᤠ᤹ ᤁᤢᤀᤣᤃᤠᤱ ᤑᤧᤖᤧᤳᤇᤡᤒᤠ ᤏᤡ᤺ᤛᤢᤛᤡᤀᤠᤱ ᤛᤣ᤺ᤴᤍᤥᤛᤢᤛᤡ. “ᤂᤡᤴᤇᤡ᤹ ᤌᤧᤔᤠ᤺ᤴ ᤁᤧᤃᤥ᤺ᤳᤇᤢᤖ ᤁᤧᤘᤠ᤹ᤛᤡᤒᤠᤒᤣ᥅” ᤂᤧᤱᤜᤠ᤹ᤖᤧ ᤏᤥᤃᤵ ᤐᤡᤖᤧᤳᤇᤢ. “ᤖᤒ᤻ᤒᤡ (ᤂᤧᤴ ᤑᤠ᤹ᤀᤡᤱᤃ ‘ᤛᤡᤰᤛᤠᤶᤒᤣ’ ᤐᤥ᤺ᤱᤗᤥ) ᤂᤧᤏᤧ᤹ ᤀᤠᤳᤋᤥ ᤁᤧᤕᤠ᤺ᤰᤐᤣ᥅”

³⁹ ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤑᤧᤖᤧᤳᤇᤧ᤹ᤀᤠᤱ ᤀᤥᤔᤧᤳᤋᤧᤳᤇᤧ᤹॥” ᤜᤧᤰᤁᤩᤠᤱ ᤂᤧᤱᤜᤠ᤹ ᤁᤢᤔᤢᤰ ᤗᤡᤛᤡ (᥊) ᤔᤢᤰᤋᤧᤀᤠᤱ ᤘᤕᤧᤸᤗᤧ ᤐᤣᤛᤡᤀᤠᤱ ᤂᤧᤱᤜᤠ᤹ᤖᤧ ᤕᤧᤛᤢ᤺ᤴ ᤕᤢᤅᤧᤒᤠ ᤋᤧᤴᤏᤡᤴ ᤀᤥᤔᤧᤳᤋᤧᤳᤇᤢ॥ ᤂᤧᤱᤜᤠ᤹ ᤂᤧᤴ ᤕᤧᤴ ᤕᤧᤛᤢ᤺ᤴᤏᤢᤀᤣ ᤕᤠ᤺ᤰᤋᤧᤳᤇᤡᤖᤥ॥

⁴⁰ ᤂᤧᤴ ᤏᤧᤵᤑᤢᤜᤠ᤹ᤀᤥ ᤌᤡᤰᤁᤡᤱᤃ ᤛᤡᤔᤥᤏ ᤐᤋᤪᤢᤛᤖᤧ ᤁᤢᤴᤛᤠ᤹ ᤀᤠᤴᤍᤪᤡᤕᤠᤛᤧᤴ ᤘᤕᤧᤖᤥ॥ ᤂᤢᤏᤧ᤹ᤃ ᤒᤵᤋᤡᤛ᤻ᤔᤠ ᤁᤧᤒᤡᤒᤠ ᤕᤢᤜᤢᤴᤏᤠ᤺ᤸᤗᤧ ᤐᤠ᤺ᤳᤋᤢᤒᤠ ᤁᤧᤄᤧᤶᤒᤠ ᤏᤢ ᤕᤧᤛᤢ᤺ᤴᤏᤢ ᤗᤠᤱᤃᤧᤄᤣ᤺ᤰᤐᤠ ᤘᤕᤧᤖᤥ॥

⁴¹ ᤀᤴᤍᤪᤡᤕᤠᤛᤖᤧ ᤁᤠᤰᤏᤢ ᤋᤃᤡ ᤁᤢᤶᤓᤢ᤹ ᤛᤡᤔᤥᤏᤧᤴ ᤋᤢᤔᤢᤀᤠᤱ ᤔᤧᤳᤋᤢ. “ᤀᤠᤴᤇᤡᤃᤧ ᤔᤛᤡᤜ ᤔᤧᤵᤔᤏᤠᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣ᤺ᤴᤍᤢᤒᤠ ᤂᤪᤡᤛ᤻ᤋᤧᤴ ᤋᤢᤔᤧᤳᤇᤢᤃᤧᤖᤥ” (ᤃᤪᤡᤁ ᤐᤠ᤺ᤴᤍᤠᤱᤅᤥ “‘ᤂᤪᤡᤛ᤻ᤋ’ ᤐᤥ᤺ᤱ. ᤜᤡᤒᤪᤢ ᤐᤠ᤺ᤴᤍᤠᤱᤅᤥ ‘ᤔᤛᤡᤜ’” ᤐᤥ᤺ᤱᤗᤥ)॥

⁴² ᤜᤧᤰᤁᤩᤠᤱ ᤀᤴᤍᤪᤡᤕᤠᤛᤖᤧ ᤛᤡᤔᤥᤏᤧᤴ ᤕᤧᤛᤢᤖᤥ ᤋᤠᤖᤢᤸᤗᤧ ᤕᤧᤛᤢᤖᤧ ᤏᤢ᤺ᤖᤡᤰ ᤀᤥᤔᤧᤳᤋᤢᤖ ᤀᤰᤂᤣ ᤔᤧᤳᤋᤢ. “ᤂᤧᤏᤧ᤹ᤃ ᤕᤢᤜᤢᤴᤏᤠ᤺ᤸᤗᤧ ᤁᤢᤛ᤻ᤛᤠ᤺ ᤛᤡᤔᤥᤴᤏᤧᤖᤥ. ᤜᤧᤰᤁᤩᤠᤱ ᤂᤧᤏᤧ᤹ᤃ ᤁᤧᤑᤠᤛ ᤗ᤹ᤖᤡᤰ ᤁᤧᤶᤔᤧᤳᤗᤥ” (ᤂᤧᤴ ᤑᤠ᤹ᤀᤡᤱᤃ “ᤐᤋᤪᤢᤛ” ᤐᤥ᤺ᤱ)॥

⁴³ ᤜᤧᤰᤁᤩᤠᤱ ᤁᤢᤍᤠ᤺ᤴᤍᤡᤰᤔᤠ ᤕᤧᤛᤢᤖᤧ ᤃᤠᤗᤡᤗ ᤌᤢᤶᤔᤥ ᤐᤣ᤺ᤰᤔᤠ ᤏᤡᤱᤘᤠ᤹ ᤆᤥᤃᤢ॥ ᤂᤢᤏᤧ᤹ ᤑᤡᤗᤡᤵᤐᤧᤴ ᤋᤢᤔᤢᤀᤠᤱ ᤀᤰᤂᤣ ᤔᤧᤳᤋᤢ. “ᤀᤡᤱᤃᤠ᤹ ᤋᤡᤶᤍᤠᤱᤅᤧ᤹ᤀᤥ॥”

⁴⁴ ᤀᤠᤸᤗ ᤑᤡᤗᤡᤵᤐᤧᤱᤃ. ᤀᤠᤴᤍᤪᤡᤕᤠᤛ ᤏᤢ ᤐᤋᤪᤢᤛᤖᤧ ᤂᤢᤴᤇᤡ᤹ ᤒᤧᤌᤛᤣᤍᤠ ᤐᤠᤱᤈᤢᤶ ᤁᤧᤕᤢᤱᤒᤠ ᤘᤕᤧᤖᤥ॥

³⁷ युहुन्‍नाःल्‍ले़ हे़क्‍के पाःत्तुबा कुहुॽसाम्‍बाहाॽरे़ खे़प्‍से़त्‍छुआङ् ये़सुःन् तिम्‍दे़सुरो॥

³⁸ ये़सुःन् एगाङ् हिसिङ्‌ङिल्‍ले़ खे़ङ्‌हाॽ कुएगाङ् फे़रे़त्‍छिबा निःसुसिआङ् सेःन्‍दोसुसि, “खिन्‍छिॽ थे़माःन् के़गोःत्‍छुर के़वाॽसिबाबे?” खे़ङ्‌हाॽरे़ नोगप् पिरे़त्‍छु, “रब्‍बि (खे़न् फाॽइङ्‌ग ‘सिक्‍साम्‍बे’ पोःङ्‌लो) खे़ने़ॽ आत्तो के़याःक्‍पे?”

³⁹ ये़सुरे़ खे़ङ्‌हाॽ मे़त्तुसि, “फे़रे़त्‍छे़ॽआङ् ओमे़त्ते़त्‍छे़ॽ॥” हे़क्‍क्‍याङ् खे़ङ्‌हाॽ कुमुक् लिसि (४) मुक्‍ते़आङ् वये़ल्‍ले़ पेसिआङ् खे़ङ्‌हाॽरे़ ये़सुःन् युङे़बा ते़न्‍निन् ओमे़त्ते़त्‍छु॥ खे़ङ्‌हाॽ खे़न् ये़न् ये़सुःन्‍नुए याःक्‍ते़त्‍छिरो॥

⁴⁰ खे़न् ने़प्‍फुहाॽओ थिक्‍किङ्‌ग सिमोन पत्रुसरे़ कुन्‍साॽ आन्‍द्रियासे़न् वये़रो॥ खुने़ॽग बप्‍तिस्‍मा के़बिबा युहुन्‍नाःल्‍ले़ पाःत्तुबा के़घे़म्‍बा नु ये़सुःन्‍नु लाङ्‌गे़घेःक्‍पा वये़रो॥

⁴¹ अन्‍द्रियासरे़ काक्‍नु तगि कुम्‍भुॽ सिमोने़न्‌तुमुआङ् मे़त्तु, “आन्‍छिगे़ मसिह मे़प्‍मनाबा निङ्‌वाॽफुमाङ्‌ङिल्‍ले़ सेःन्‍दुबा ख्रिस्‍ते़न्‌तुमे़त्‍छुगे़रो” (ग्रिक पाःन्‍दाङ्‌ङो “‘ख्रिस्‍त’ पोःङ्, हिब्रु पाःन्‍दाङ्‌ङो ‘मसिह’” पोःङ्‌लो)॥

⁴² हे़क्‍क्‍याङ् अन्‍द्रियासरे़ सिमोने़न् ये़सुरो तारुल्‍ले़ ये़सुरे़ नुःरिक् ओमे़त्तुर अक्‍खे मे़त्तु, “खे़ने़ॽग युहुन्‍नाःल्‍ले़ कुस्‍साः सिमोन्‍ने़रो, हे़क्‍क्‍याङ् खे़ने़ॽग के़फास लॽरिक् के़म्‍मे़त्‍लो” (खे़न् फाॽइङ्‌ग “पत्रुस” पोःङ्)॥

⁴³ हे़क्‍क्‍याङ् कुदाःन्‍दिक्‍मा ये़सुरे़ गालिल थुम्‍मो पेःक्‍मा निङ्‌वाॽ चोगु॥ खुने़ॽ फिलिप्‍पे़न् तुमुआङ् अक्‍खे मे़त्तु, “इङ्‌गाॽ तिम्‍दाङ्‌ङे़ॽओ॥”

⁴⁴ आल्‍ल फिलिप्‍पे़ङ्‌ग, आन्‍द्रियास नु पत्रुसरे़ खुन्‍छिॽ बे़थसेदा पाङ्‌जुम् के़युङ्‌बा वये़रो॥