24 खे़ल्ले़ चोगुल्ले़ खे़ङ्हाॽ अक्खे मे़मे़त्छिङ्, “कङ्ग आनिॽ थे़ःक्खुम् मे़ःन्लो, कर तॽयाःन्सोःन्के़ःसुम्लो॥ आत्तिल्ले़ कुलक्को थाः, हाराॽ खे़ल्ले़ए खे़न् तेॽरुनिरो॥” कन् पाःन्निङ्ग साम्योसाप्लाओ अक्खेलॽरिक् खे़ङ्हाॽरे़ इङ्गाॽ आजाङ्हाॽ मे़हाःत्छिङ्लो, हे़क्क्याङ् आदेःत्तिन् तॽयानःन्सोःन् मे़गे़सुॽरो लॽरिक् साप्ते़आङ् के़बप्पे़न्के़रे़बारो॥ हे़क्केलॽरिक् थक्सुबाहाॽरे़आङ् बा हे़क्केए मे़जोगुरो॥
25 ये़सुःन् सिलाम्साक्मा सिङ्ङो मे़भोःन्दुबाल्ले़ कुबेसाङ् कुम्मा, कुन्छुमाॽ, क्लोपासरे़ कुमेःत् मरियम, हे़क्क्याङ् मरियम मग्दलिनिसि मे़ये़बे़रो॥
26 ये़सुरे़ कुम्मा हे़क्क्याङ्लुङ्माॽ तुक्तुबा कुहुॽसाम्बान्नाङ् खे़प्मो निःत्ताङ् ये़बे़त्छिबा निःसुसिल्ले़ कुम्मा मे़त्तु, “खुने़ॽग के़स्साःरो॥”
27 हे़क्क्याङ् खे़न् हुॽसाम्बान् मे़त्तु, “खुने़ॽग थामे़न्दिङ्के़म्मारो॥” खे़न् ये़म्माङ्धोग खे़न् हुॽसाम्बाल्ले़ मरियम्मिन् कुहिम्मो तेॽरुरो॥
28 याङ्सि ये़सुरे़ काक् पाःन्हाॽ पोःक्खे़ चुरे़बा निःसुआङ् साम्योसाप्लाओ साप्ते़बान् के़त्ल फाॽआङ् पाःत्तु, “इङ्गाॽ आवामिःसे़रो॥”
