10 इङ्गाॽ दाङ्बान् साॽरिक् कुनारा फोःसुङ्लो, थेआङ्भे़ल्ले़ खिनिॽ याम्मो याप्मि लुङ्माॽ तुक्मा के़हेःक्तिरो॥ से़क्खाःल्ले़ खिनिॽ याप्मि लुङ्माॽ के़दुक्तिआङ् वाॽ, कर खे़न् ओसेःन्धाक्मा सुये़म्मिन्ने मे़ङ्घोए के़वयिरो॥
11 इङ्गाॽग चाहाबो वाॽआ फाॽआङ् अक्खेलॽरिक् पाःत्तुङ्बा मे़ःन्लो, थेआङ्भे़ल्ले़ इङ्गाॽनु वाॽसाङ् होःप्साङ् निङ्वाॽ तामाआङ् वाॽमा हुॽसिङ्ङाङ्ङाङ् वाॽआरो॥
12 इङ्गाॽ चाहाबो वाॽमा नु यरिक् कप्मा फाॽइन् थे़माबे फाॽआङ् कुसिङ् निःत्तुङ्लो॥ हे़क्क्याङ् आक्तङ्बा याक्नाम्मो वाॽआसाङ्, चामा थुङ्मा इग्र साक्मे़न्जा वाॽमा पोःङ्साङ्, यरिक् कप्मा इग्र चाहाबाओ वाॽमा पोःङ्साङ्, निङ्वाॽ तामाआङ् वाॽमा के़लॽबा पाःन्निन् हुॽसिङाङ्ङाङ् वाॽआरो॥
13 इङ्गाॽग दाङ्बाल्ले़ के़धुम्बा चोःक्काबाल्ले़ चोगुल्ले़ काक् पाःन्हाॽ चोःक्मा सुक्तुङ्लो॥
14 हे़क्केसाङ् खिनिॽ इनोगे़न् आदुक्खेओ कुभाॽ याप्मि के़बिरिबान् नुःबाए के़जोगुम्लो॥
