29 ዬማና ካፓ ዓሢ ፖዒ ዔኪ ጳሽኪ ጋሮ ጌላዖ፥ ጎጋይቂ ጎጋይቂ ጳውሎሴና ሲላሴናኮ ቶኮ'' ዴማ'' ባሊቲና ሎኦሜኔ።
30 ዬካፓ ዔያቶ ዙሎ'' ኬሳ''ዖ፦ «ታ ጎዳንሢዮ! ታ ዻቃኒ ዓይጎ ዎኦታንዳያ ኮይሳይ?» ጌዔኔ።
31 ዔያታ ዒዛም፦ «ጎዳ ዬሱሴ ጉሙርቄ፤ ኔናንታ ኔ ማኣሮ ዓሶንታ ዻቃንዳኔ» ጌዔኔ።
32 ዬካፓ ጎዳሢኮ ቃኣሎ'' ዒዛና ዒዛኮ ማኣራ ዓኣ ዓሶናም ቢያ ዔያታ ኬኤዜኔ።
33 ዬማና ቱኡዞ ማኣሮ ካፓ ዓሢ ዬኖ ዋንቶ ዹማ ፔ ማኣሪ ዔኪ ዓኣዺ ኪፆ ዔያቶኮ ማስኬኔ፤ ዬማፓ ኔጉዋዖ ዒዛና ማኣሮ ዓሶና ቢያ ዋኣፆና ማስቴኔ።
34 ቱኡዞ ማኣሮ ካፓ ዓሢ ጳውሎሴና ሲላሴና ፔ ማኣሪ ዔኪ ዓኣዺ ሙኡዚ'' ዔያቶም ዒንጌኔ፤ ማኣሮ ዓሶ ቢያሢና ዎላ'' ኪሪስቶሴ ጉሙርቄሢሮዋ ዒ ዎዛዼኔ።
35 ሳዓ ካራዛ ዓጮ'' ዎይሣ ዓሳ፦ «ዬንሢ ዓሶንሢ ቡሊ''ንቶንጎ» ጌዒ ፖኦሊሴስኬንሢ ዳኬኔ።
