6 ዬያሮ ዳኪንቴዞንሢና ጪሞና ዬኖ ዛሎ'' ዎላ'' ዞርታኒ ቡኬኔ፤
7 ዔያታ ሚርጌና ማርሜሢኮ ጊንፃ ጴፂሮሴ ዔቃዖ፦ «ታ ዒሾንሦ! ታ ሚሾንሦ! ዓይሁዴ ማዒባኣ ዓሳ ታ ዛሎ''ና ኮዦ ሓይሶ ዋይዚ ኪሪስቶሴ ጉሙርቃንዳጉዲ ሓያኮ ቤርታ ፆኦሲ ታና ዒንሢ ባኣካ''ፓ ዶኦሬሢ ዒንሢ ዔራኔ።
8 ዓሲኮ ዒና ዔራ ፆኦሲ፥ ኑም ዓያኖ ጌኤዦ ዒንጌሢጉዲ ዔያቶማኣ ዒንጊፆና ዔያቶ ፔ ዓሲ ማሄሢ ዔርዜኔ።
9 ዔያታ ዒዛ ጉሙርቄሢሮ ጎሞ ዔያቶኮ ዒ ጌኤሼኔ፤ ዬያሮ ኑኡና ዔያቶና ባኣካ'' ፔቴ''ታዖ ዱሙሞ ባኣሴ።
10 ዓካሪ ኑ ዓዶንሢታዖ ሓሣ ኑኡኒያ ኬዳኒ ዳንዳዒባኣ ቃምባሮ ኪሪስቶሴ ጉሙርቃ ዓሶ ባቃኖይዳ ጌሢ ‹ፆኦሲ ዎይታቴያ ኑ ዛጋንዳኔ› ዒንሢ ሓሢ ዓይጎሮ ጋዓይ?
11 ኑኡኒያ ዻቄሢ ጎኔና ዔያቶጉዲ ጎዳ ዬሱሴኮ ኮሹሞ ዒንጊፆና ማዔሢ ኑ ጉሙርቃኔ» ጌዔኔ።
