13 ጴፂሮሴ ዒኢካ ሄላ''ዖ ማርሾ ካሮ''ይዳ ዔቂ፦ «ማኣሪ ዓሲዮ!» ጋዓዛ፥ ሮዳ ጌይንታ ዉዱሮ ናይስኬና ዖናታቴያ ዔራኒ ማርሾ ካሮ'' ሙኬኔ።
14 ናዔላ ጴፂሮሴ ዑኡሲ ማዔሢ ዔራዖ ሚርጌ ዎዛፓ ዔቄያና ማርሾ ካሮ'' ቡሉ''ዋዖ ሓሺ'' ጳሽኪ ጋሮ ጌሊ፦ «ጴፂሮሴ ካራ'' ዔቂ ዓኣኔ!» ጌዒ ኬኤዜኔ።
15 ዔያታ ጋዓንቴ፦ «ኔ ዣዣኣሽካኔ!» ጋዓዛ፥ ዒዛ፦ «ጎኔ ዒዛኬ» ጌዒ ዶዲሺ ኬኤዛዛ፥ ዔያታ ጊንሣ፦ «ሂዴቶ፥ ዒዛኮ ዔኤዦ ናንዳኔ» ጌዔኔ።
16 ጴፂሮሴ ዒማ''ና ዔኤሊ''ፆ ሓሾ'' ዒፃዛ፥ ዔያታ ካሮ'' ቡላ''ዖ ዒዛ ዛጊ ሚርጌ ዲቃቲ ሄርሼኔ።
17 ዒዚ ጋዓንቴ ዔያታ ዚቲዮ ጋዓንዳጉዲ ኩቻ ዻዋዖ፥ ፆኦሲ ዒዛ ቱኡዞ ማኣራፓ ዎይቲ ኬሴ''ቶዋ ዔያቶም ኬኤዜኔ። ዬካፓ፦ «ሓያ ባኮ ያይቆኦቤና ሃንጎ ኪሪስቶሴ ጉሙርቃዞንሢማኣ ኬኤዙዋቴ» ጌዒ ዔያቶይዳፓ ዱማዺ ሜሌ'' ቤሲ ዴንዴኔ።
18 ዚሮ ጉቴ''ሎ፦ «ጴፂሮሴ ዎካ ባይቄይ?» ጌዒ ካፓ ዓሳ ሴካ ሓንጋ ጳሽኬኔ።
19 ሄሮዲሴ ዒዛ ኮዒሲ ባሺንታዖ ዬኖ ኬሎ''ና ካፓ ዓሶ ዖኦጬሢኮ ጊንፃ ዔያቶ ዎዻንዳጉዲ ዓይሤኔ፤ ዬካፓ ሄሮዲሴ ዪሁዳይዳፓ ቂሳሪያ ዴንዲ ዴዔኔ።
