ዮሓኒሴ 7:19-51 in Male (Ethiopia)

¹⁹ ሙሴ ዒንሢም ዎጌ ዒንጊባይ? ጋዓንቴ ዒንሢዳፓ ዎጎ ኩንሣይ ዖኦኒያ ባኣሴ። ዒንሢ ዓይጎሮ ታና ዎዻኒ ኮዓይ?» ጌዔኔ።

²⁰ ዴራ''ኣ፦ «ሓይ ኔ፥ ፑርቶ ዓያና'' ዓርቄሢ ሃይ! ዖ ኔና ዎዻኒ ኮዔይ?» ጌዔኔ።

²¹ ዬሱሴ ዔያቶም፦ «ታኣኒ ፔቴ'' ማዾ ማዼኔ፤ ዒንሢ ቢያሢ ዬኖ ማዼ''ሎ ዲቃቲ ሄርሼኔ።

²² ሙሴ ዓቲንቴ ቤርቲ ቲቂሢ ዎጌ ዒንሢም ዒንጌኔ፤ ዬይ ዎጋ'' ዒንጊንቴሢ ዒንሢኮ ዓዶንሢዳፓ ማዓንዳኣፓዓቴም ሙሴይዳፓቱዋሴ፤ ዓካሪ ዒንሢ ሃውሾ ኬሎ''ናታዖ ዓሲኮ ዓቲንቴ ቤርቲ ቲቲቃኔ።

²³ ዓካሪ፥ ሙሴ ዎጋ'' ዓቱዋጉዲ ዓሲ ሃውሾ ኬሎ''ና ዓቲንቴ ቤርቲ ቲቂንታያ ማዔቴ ታኣኒ ሃውሾ ኬሎ''ና ዓሲ ሼምፖ ዻቂሼሢሮ ዓይጎሮ ታ ዑፃ ዒንሢ ጎሪ''ንታይ?

²⁴ ዓሲ ዛጊ፥ ዱማሲ ዎጊፆይዳፓ ፒዜ ዎጌ ዎጉዋቴ» ጌዔኔ።

²⁵ ዬሩሳላሜ ዓሶይዳፓ ፔቴ'' ፔቴ''ዞንሢ፦ «ዓይሁዶ ዓሶኮ ሱኡጋ ዎዻኒ ኮዓ ዓሢ ሃያቱዋዓዳ?

²⁶ ሓይሾ ዒዚ ሃሢ ፔጌና ኬኤዛኔ፤ ዔያታ ዒዛ ኮይላ'' ፔቴ''ታዖ ዔኤቢ ጌይባሴ፤ ሓይ ዓሢ ሜሲሔ ማዔሢ ዎይሣ ዓሳ ጎናሲ ዔዔሬሞ?

²⁷ ጋዓንቴ ኑኡኒ ሃይ ዓሢ ዓንካፓታቴ ዔራኔ፤ ሜሲሔ ሙካኣና ዓንካፓታቴያ ዔራንዳያ ዖኦኒያ ባኣሴ» ጌዔኔ።

²⁸ ዬያሮ ዬሱሴ ጌኤዦ ማኣሮይዳ ዔርዛዖ ዑኡዞ ፔኤሲ'' ዼ'ግዲ፦ «ታና ዒንሢ ዔራኔ፤ ታኣኒ ዓንካፓ ሙኬቴያ ታና ዒንሢ ዔራኔ፤ ጋዓንቴ ታኣኒ ታ ቢታንቶና ሙኪባኣሴ፤ ታና ዳኬሢ ጎኑሞ ዓኣያኬ፤ ዒንሢ ዒዛ ዔሩዋሴ።

²⁹ ታኣኒ ጋዓንቴ ዒዛ ኮራፓ ሙኬሢሮ ሃሣ ዒዚ ታና ዳኬሢሮ ታ ዒዛ ዔራኔ» ጌዔኔ።

³⁰ ዒማ''ና ዔያታ ዒዛ ዓርቃኒ ኮዔያታንቴ ዎዳ'' ዒዛኮ ሃጊ ሄሊ''ባኣሢሮ ዖኦኒያ ዒዛ ዓርቂባኣሴ።

³¹ ጋዓንቴ ዴሮ''ይዳፓ ሚርጌ ዓሲ ዒዛ ጉሙርቂ ዔካዖ፦ «ሜሲሔ ሙካ ዎዶ''ና ሓይ ዓሢ ማዼ ፆኦሲ ዎልቆና ማዺንቴ ዓኮ ባኮይዳፓ ባሼ ማዻንዳ?» ጌዔኔ።

³² ዴራ'' ዬሱሴ ዾንካሢ ፔርሴ ዓሳ ዋይዜኔ፤ ዬያሮ ቄኤሶኮ ሱኡጎና ፔርሴ ዓሶና ዬሱሴ ዓርቃኒ ጌኤዦ ማኣሮ ካፓ ዓሶ ዳኬኔ።

³³ ዬማና ዬሱሴ፦ «ዒንሢና ዎላ'' ዻካ'' ዎዴ ታ ዴዓንዳኔ፤ ዬካፓ ታና ዳኬሢ ባንሢ ታ ዓኣዻንዳኔ፤

³⁴ ዒንሢ ታና ኮዓንዳኔ፤ ጋዓንቴ ዒንሢ ታና ዴንቃዓኬ፤ ታኣኒ ዓኣ ቤዞ ዒንሢ ሙካኒ ዳንዳዒንዱዋሴ» ጌዔኔ።

³⁵ ዬያሮ ዓይሁዶ ዓሶ ዎይሣ ዓሳ ዎሊ ኮይላ''፦ «ኑኡኒ ዒዛ ዴንቁዋጉዲ ሃይ ዓሢ ዓንኮ ዓኣዻኒዳይ? ጎዖንቴ ጊሪኬ ዓጮ'' ዓሶ ባኣካ'' ላኣሊንቲ ዓኣ፥ ዓይሁዶ ዓሶ ባኣኮ'' ዓኣዺ ጊሪኮ ዓሶ ዔርዛኒሞ?

³⁶ ‹ዒንሢ ታና ኮዓንዳኔ፤ ጋዓንቴ ዒንሢ ታና ዴንቃዓኬ፤ ታኣኒ ዓኣ ቤዞዋ ዒንሢ ሙካኒ ዳንዳዒንዱዋሴ› ጌይፃ ዒዛኮ ዎዚ ጌይሢዳይ?» ጌዔኔ።

³⁷ ቦንቾ ኬሎ''ኮ ጋፒንፆ ማዔ፥ ዼኤፖ ኬሎ''ና ዬሱሴ ዔቂጋፓ ዑኡዞ ዼ'ግዲ፦ «ዋኣሢ ዼኤቤይ ዓኣቶ ሃኒ ታ ኮራ ሙኪ ዑሽኮንጎ፤

³⁸ ታና ጉሙርቂ ዔካሢኮ ጌኤዦ ማፃኣፓ ጋዓሢጉዲ ናንጊና ናንጊ ዋኣሢ ጋራፓ ዓልቃንዳኔ» ጌዔኔ።

³⁹ ዬያ ዒ ጌዔሢ ዒዛ ጉሙርቃዞንሢ ዔካንዳ ዓያኖ ዛሎ''ኬ። ዓይጎሮ ጌዔቴ ዬሱሴ ሃይቂ ሌካ ዔውታ ዎዳ'' ሄሊ''ባኣሢሮ ዓያኖ ጌኤዣ ሃጊ ዒንጊንቲባኣያኬ።

⁴⁰ ዴሮ''ኮ ባኣኮ''ይዳፓ ፔቴ'' ፔቴ''ዞንሢ ዬያ ቃኣሎ'' ዋይዛዖ፦ «ሙካንዳኔ ጌይንቴ ፆኦሲ ማሊፆ ኬኤዛሢ ጎኔና ሃያኬ» ጌዔኔ።

⁴¹ ዛላ'' ሃሣ፦ «ሓይ ሜሲሔኬ» ጌዔኔ። ዓቴ'' ዓሳ ጋዓንቴ፦ «ሜሲሔ ሙካሢ ጌሊላ ዓጮ''ይዳፓዳ?

⁴² ሜሲሔ ዳውቴ ዜርፃፓ ሾይንታንዳሢና ዳውቴ ካታሞ ቤኤቴሌሄሜይዳፓ ሙካንዳሢ ጌኤዦ ማፃኣፖይዳ ፃኣፒንቲባኣዓዳ?» ጌዔኔ።

⁴³ ዬያሮ ዒዛ ዛሎ''ና ዴሮ'' ባኣካ'' ፓቂንቲሢ ማዢንቴኔ።

⁴⁴ ፔቴ'' ፔቴ''ዞንሢ ዒዛ ዓርቃኒ ኮዔንቴ ዖኦኒያ ዒዛ ዓርቂባኣሴ።

⁴⁵ ዬካፓ ጌኤዦ ማኣሮ ካፓዞንሢ ቄኤሶ ሱኡጎና ፔርሴ ዓሶና ባንሢ ዓኣዼኔ፤ ዬና ፑኡፖ ዓሳ፦ «ዒዛ ዒንሢ ዓይጎሮ ዔኪ ሙኪባኣይ?» ዔያቶ ኮራ ጌዔኔ።

⁴⁶ ጌኤዦ ማኣሮ ካፓዞንሢያ፦ «ሓይ ዓሢ ኬኤዛሢጉዲ ዖኦኒያ ኬኤዚ ቤቂባኣሴ» ጌይ ማሄኔ።

⁴⁷ ፔርሴ ዓሳ ጋዓንቴ፦ «ዒንሢያ ሃሣ ዻቢንቲያ?

⁴⁸ ዎይሣ ዓሶና ፔርሴ ዓሶናይዳፓ ዒዛ ጉሙርቄ ዓሲ ዓኣኖ?

⁴⁹ ሃይ ሙሴ ዎጎ ዔሩዋ ዴራ'' ጎኔና ጋዳንቂንቴያኬ» ጌዔኔ።

⁵⁰ ዒማ''ና ሓያኮ ቤርታ ዬሱሴ ኮራ ዓኣዼ፥ ፔርሴ ዓሶ ዛላ''ፓ ማዔ፥ ኒቆዲሞሴ፦

⁵¹ «ኑኡኮ ዎጎ ጎይፆና ፔቴ'' ዎጌና ዓርቂንቴ ዓሢኮ ጌኤዞ ዋይዙዋዖ ሃሣ ዓይጎ ማዼቴያ ዔሩዋዖ ዎጌ ዎጊንታ?» ጌዔኔ።