35 ዮሓኒሴ ዔኤታያ ሃሣ ፖዓ ፖዒ ጉዴያኬ፤ ዒንሢያ ዻካ'' ዎዴሮ ዒዛ ፖዖና ዎዛዻኒ ኮዔኔ።
36 ታኣኮ ጋዓንቴ ዮሓኒሴ ማርካዼሢዳፓ ባሼ ማርካ ዓኣኔ፤ ታኣኮ ማርካ' ታ ዓዴ ታ ማዻንዳጉዲ ዒንጌ ማዾ''ኬ፤ ዬይ ታ ማዻ ማዻ'' ዓዴ ታና ዳኬያ ማዒፆ ዛሎ'' ማርካዻኔ።
37 ታና ዳኬ ዓዴ ፔ ቶኦኪና ታ ዛሎ'' ማርካዼኔ፤ ዒንሢ ጋዓንቴ ዒዛኮ ዑኡዞ ፔቴ''ታዖ ዋይዚባኣሴ፤ ሃሣ ዒዛ ዒንሢ ዛጊባኣሴ።
38 ዒዚ ዳኬሢ ዒንሢ ጉሙርቂባኣሢሮ ዒዛኮ ቃኣላ'' ዒንሢኮ ዒና'' ዴዓዓኬ።
39 ዒንሢ፡ ጌኤዦ ማፃኣፖይዳፓ ናንጊና ናንጊ ዴንቃንዳያ ዒንሢም ማላሢሮ ዬያ ማሂ ማሂ ዒንሢ ዛጋኔ፤ ዬያታ ታ ዛሎ'' ማርካዻዞንሢኬ።
40 ዬይ ያዺ ማዔቴያ ዒንሢ ሼምፖ ዴንቃኒ ታ ባንሢ ሙካኒ ኮዑዋሴ» ጌዔኔ።
41 ዬሱሴ ሃሣ፦ «ታኣኒ ቦንቾ ዓሲዳፓ ኮዑዋሴ።
