31 «ታኣኒ ታኣሮ ታ ዛሎ'' ማርካዼቴ፥ ማርካዺፃ ታኣሲ'' ጎኔቱዋሴ» ጌዔኔ።
32 «ሃሣ ዬሱሴ ታኣም ማርካዻይ ሜሌ'' ዓኣኔ፤ ዒዚ ታ ዛሎ'' ማርካዻ ማርካታ ጎኔ ማዔሢ ታ ዔራኔ።
33 ዒንሢ ዮሓኒሴ ባንሢ ዓሲ ዳኬያና ዒዚ ጎኔ ማርካዼኔ።
34 ሓያ ታ ጋዓሢ ዒንሢ ዻቃንዳጉዲ ማዓንዳኣፓዓቴም ታኣም ዓሲ ማርካዻንዳያ ኮይሳሢሮቱዋሴ።
35 ዮሓኒሴ ዔኤታያ ሃሣ ፖዓ ፖዒ ጉዴያኬ፤ ዒንሢያ ዻካ'' ዎዴሮ ዒዛ ፖዖና ዎዛዻኒ ኮዔኔ።
36 ታኣኮ ጋዓንቴ ዮሓኒሴ ማርካዼሢዳፓ ባሼ ማርካ ዓኣኔ፤ ታኣኮ ማርካ' ታ ዓዴ ታ ማዻንዳጉዲ ዒንጌ ማዾ''ኬ፤ ዬይ ታ ማዻ ማዻ'' ዓዴ ታና ዳኬያ ማዒፆ ዛሎ'' ማርካዻኔ።
37 ታና ዳኬ ዓዴ ፔ ቶኦኪና ታ ዛሎ'' ማርካዼኔ፤ ዒንሢ ጋዓንቴ ዒዛኮ ዑኡዞ ፔቴ''ታዖ ዋይዚባኣሴ፤ ሃሣ ዒዛ ዒንሢ ዛጊባኣሴ።
38 ዒዚ ዳኬሢ ዒንሢ ጉሙርቂባኣሢሮ ዒዛኮ ቃኣላ'' ዒንሢኮ ዒና'' ዴዓዓኬ።
