ዮሃኒሳ 9:3-13 in Dawro

³ ዬሱሲ፥ «ፆሳ ኪታይ ኣ ቦላን ቆንጫና ማላ ቆቄዳፔ ኣቲን፥ ኢ ዎይ ኣ ዳያኔ ኣ ኣቡ ናጋራ ኦꬂቤይኪኖ።

⁴ ኑኒ ሳዓይ ቃሜናን ዴዒሺን፥ ታና ኪቴዳዋ ኦሱዋ ኦꬃናው ቤሴ። ኦኒኔ ኦꬃናው ዳንዳዬና ቃማይ ዬ።

⁵ ታኒ ኣላሚያን ዴዓዴ ኣላሜው ፖዖ» ያጌዳ።

⁶ ዬሱሲ ሄዋ ጊዴ፥ ሳዓን ጩቼዳ፤ ባሬ ጩቻኒ ጉꬃ ኡርቃ ሹጊሲዴ፥ ሄ ኡርቃኒ ቆቃ ቢታኒያ ኣይፊያ ኦኪዴ፥

⁷ «ባዴ ሳሊሆማ ጊያ ዳጋቴዳ ሃꬃን ኔ ኣይፊያ ሜጫ» ያጌዳ። «ሳሊሆማ» ጊያዌ «ኪቴቴዳዋ» ጉሳ። ሄዋ ዲራው፥ ቢታኒ ቢዴ፥ ባሬ ኣይፊያ ሜጬቲዴ፥ ፄሊዴ ሲሜዳ።

⁸ ቢታኒያ ሾራቱኔ ቢታኒ ካሴ ዎሲሺን ቤዔዳ ኣሳይ፥ «ሃዌ ኡቲዴ ዎሲያ ቢታኒያ ጊዴኔዬ?» ያጌዲኖ።

⁹ ቃሲ ኣማሬዳዋንቱ፥ «ሃዌ ኣቴኔ» ያጌዲኖ። ሃራንቱ ቃሲ፥ «ቱይቲ፥ ሃዌ ኣ ማላቲያዋፔ ኣቲን፥ ኣ ጊዴና» ያጌዲኖ። ሺን ቢታኒ፥ «ታኒ ኣቴ» ያጌዳ።

¹⁰ ኡንቱንቱ ቢታኒያ፥ «ያቲና፥ ኔ ኣይፊ ዋኒ ፄሌዴ?» ያጊዴ ኦቼዲኖ።

¹¹ ኢ ዛሪዴ፥ «ዬሱሳ ጌቴቲያ ቢታኒ ጉꬃ ኡርቃ ሹጊሲዴ፥ ታ ኣይፊያ ኦኪዴ፥ ‹ሳሊሆማ ጌቴቲያ ዳጋቴዳ ሃꬃኒ ባዴ ኔ ኣይፊያ ሜጬታ› ያጌዳ። ታኒ ባዴ ሜጬታዴ ፄላዲ» ያጌዳ።

¹² ኡንቱንቱ ኣ፥ «ኢ ሃቃን ዴዒ?» ያጊዴ ኦቼዲኖ። ቢታኒ፥ «ታኒ ኤሪኬ» ያጌዳ።

¹³ ኡንቱንቱ ካሴ ቆቂዴ ፄሌዳ ቢታኒያ ፓሪሳዋቱዋኮ ኣፌዲኖ።

³ Yesuusi, “Xoossaa kiitay A bollan qonccana mala qooqeeddappe attin, I woy A daayanne A aabbu nagaraa oothibeykkino.

⁴ Nuuni sa7ay qammennaan de7ishshin, Taana kiitteeddawaa oosuwaa oothanaw bessee. Ooninne oothanaw danddayenna qammay yee.

⁵ Taani alamiyaan de7aadde alamew poo7o” yaageedda.

⁶ Yesuusi hewaa giide, sa7an cuchcheedda; bare cuchchaani guutha urqqaa shugissiide, he urqqaani qooqa bitaniyaa ayfiyaa okkiide,

⁷ “Baade Saliihooma giya dagatteedda haathaan ne ayfiyaa meecca” yaageedda. “Saliihooma” giyaawe “Kiitetteeddawaa” guussaa. Hewaa diraw, bitani biide, bare ayfiyaa meecettiide, xeelliidde simmeedda.

⁸ Bitaniyaa shooratuunne bitani kase woossishshin be7eedda asay, “Hawe uttiide woossiyaa bitaniyaa gidenneeyee?” yaageeddino.

⁹ Qassi amareeddawanttu, “Hawe aattennee” yaageeddino. Haranttu qassi, “Tuytti, hawe A malatiyaawappe attin, A gidenna” yaageeddino. Shin bitani, “Taani aattee” yaageedda.

¹⁰ Unttunttu bitaniyaa, “Yaatina, ne ayfi waani xeelleeddee?” yaagiide oochcheeddino.

¹¹ I zaariide, “Yesuusa geetettiyaa bitani guutha urqqaa shugissiide, ta ayfiyaa okkiide, ‘Saliihooma geetettiyaa dagatteedda haathaani baade ne ayfiyaa meecetta’ yaageedda. Taani baade meecettaade xeellaaddi” yaageedda.

¹² Unttunttu A, “I haqan de7ii?” yaagiide oochcheeddino. Bitani, “Taani erikke” yaageedda.

¹³ Unttunttu kase qooqiide xeelleedda bitaniyaa Parisaawatuwakko afeeddino.