ዮሃኒሳ 9:14-23 in Dawro

¹⁴ ዬሱሲ ኡርቃ ሹጊሲዴ፥ ቢታኒያ ኣይፊያ ፓꬄዳ ጋላሳይ ሳምባታ ጋላሳ።

¹⁵ ሄዋ ዲራው፥ ቢታኒ ዋኒ ፄሌዴንቶኔ ፓሪሳዋቱ ኣ ጉጂዴ ኦቼዲኖ። ቢታኒ ኡንቱንቱሲ፥ «ኢ ታ ኣይፊያን ጉꬃ ኡርቃ ዎꬄዳ። ታ ኣይፊያ ሜጬታዴ ሃዒ ፄላዲ» ያጌዳ።

¹⁶ ፓሪሳዋቱዋፔ ኢቱ ኢቱ፥ «ሃዋ ኦꬄዳ ቢታኒ ሳምባታ ሂጊያ ናጌና ዲራው፥ ፆሳ ማታፔ ዪቤና» ያጌዲኖ። ሺን ሃራንቱ፥ «ናጋራንቻ ኣሳይ ሃዋ ማላ ዎልቃማ ማላታ ዋኒ ኦꬃናው ዳንዳዪ?» ያጊዴ ኡንቱንቱ ባሬንቱ ጊዱዋን ሻኬቴዲኖ።

¹⁷ ሄዋ ዲራው፥ ፓሪሳዋቱ ቢታኒያ ኢቲ ካላ ጉጂዴ፥ «ኢ ኔ ኣይፊያ ዶዬዳ ዲራው፥ ኣባ ዋጋይ?» ያጌዲኖ። ቢታኒ፥ «ኢ ናቢያ» ያጌዳ።

¹⁸ ኣዪሁዳቱ ሄ ፄሌዳ ቢታኒያ ኣቶኔ ኣዉዋ ፄሲዴ ኦቻና ጋካናው፥ ቢታኒ ቆቃ ጊዴዳዋኔ ሃዒ ኢ ፄሊያዋ ኣማኒቤይኪኖ።

¹⁹ ኣዪሁዳቱ ኣ ኣቶኔ ኣዉዋ፥ «ሂንቴንቱ፥ ‹ቆቃ ጊዲዴ ዬሌቴዳ› ጊያ ሂንቴንቱ ናዓይ ሃዌ? ያቲና፥ ሃዒ ዋኒዴ ፄሌዴ?» ያጊዴ ኦቼዲኖ።

²⁰ ቢታኒያ ዳያኔ ኣዉ፥ «ሃዌ ኑ ናዓ ጊዴዳዋኔ ቆቃ ጊዲዴ ዬሌቴዳዋ ኑኒ ኤሬቶ።

²¹ ሺን ሃዒ ኢ ዋኒ ፄሌዴንቶ፥ ኑኒ ኤሮኮ፤ ዎይ ኣ ኣይፊያ ኦኒ ፓꬄዴንቶ፥ ኑኒ ኤሮኮ። ኣ ኦቺቴ፤ ኢ ዶንዛ ኣሳ፤ ባሬባ ሃሳያናው ዳንዳዬ!» ያጌዲኖ።

²² ቢታኒያ ዳያኔ ኣዉ ኣዪሁዳቶ ያዬዳ ዲራው፥ ሄዋ ጌዲኖ፤ ኣዪሲ ጎፔ፥ ኣዪሁዳቱ ዬሱሲ ኪሪስቶሳ ያጊዴ ማርካቲያ ኡራይ ዴዖፔ፥ ሄ ኡራ ኣዪሁዳ ዎሳ ጎሊያፔ ኬሳናው ካሴት ቆፋ ቃቺ ዎꬄዲኖ።

²³ ኣ ዳያኔ ኣዉ፥ «ኢ ዶንዛ ኣሳ፤ ኣ ኦቺቴ!» ጌዳዌ ሃዋሳ።

¹⁴ Yesuusi urqqaa shugissiide, bitaniyaa ayfiyaa patheedda gallassay Sambbata gallassaa.

¹⁵ Hewaa diraw, bitani waani xeelleeddenttonne Parisaawatuu A gujjiide oochcheeddino. Bitani unttunttussi, “I ta ayfiyan guutha urqqaa wotheedda. Ta ayfiyaa meecettaade ha77i xeellaaddi” yaageedda.

¹⁶ Parisaawatuwaappe ittu ittuu, “Hawaa ootheedda bitani Sambbataa higgiyaa naagenna diraw, Xoossaa mataappe yibeenna” yaageeddino. Shin haranttu, “Nagaranchcha asay hawaa mala wolqqaama malaataa waani oothanaw danddayii?” yaagiide unttunttu barenttu gidduwan shaaketteeddino.

¹⁷ Hewaa diraw, Parisaawatuu bitaniyaa itti kaalla gujjiide, “I ne ayfiyaa dooyyeedda diraw, aabaa waagay?” yaageeddino. Bitani, “I nabiyaa” yaageedda.

¹⁸ Ayihudatuu he xeelleedda bitaniyaa aattonne aawuwaa xeesiide oochchana gakkanaw, bitani qooqa gideeddawaanne ha77i I xeelliyaawaa ammanibeykkino.

¹⁹ Ayihudatuu A aattonne aawuwaa, “Hinttenttu, ‘Qooqa gidiide yeletteedda’ giya hinttenttu na7ay hawee? Yaatina, ha77i waaniide xeelleeddee?” yaagiide oochcheeddino.

²⁰ Bitaniyaa daayanne aawuu, “Hawe nu na7aa gideeddawaanne qooqa gidiide yeletteeddawaa nuuni ereetto.

²¹ Shin ha77i I waani xeelleeddentto, nuuni erokko; woy A ayfiyaa ooni patheeddentto, nuuni erokko. A oochchite; I donzza asa; barebaa haasayanaw danddayee!” yaageeddino.

²² Bitaniyaa daayanne aawuu Ayihudatoo yayyeedda diraw, hewaa geeddino; ayissi gooppe, Ayihudatuu Yesuusi Kiristtoosa yaagiide markkattiyaa uray de7ooppe, he uraa Ayihuda woosa golliyaaappe kessanaw kaset qofaa qachchi wotheeddino.

²³ A daayanne aawuu, “I donzza asa; A oochchite!” geeddawe hawaassa.