ዮሃኒሳ 6:36-39 in Gofa

³⁶ ሺን ታኒ ሂንቴው ኦዳስ፤ ሂንቴ ታና ቤዒዴታ፥ ሺን ኣማኔኬታ።

³⁷ ታ ኣዋይ ታው ኢሚያ ኡባይ ታኮ ያና፤ ቃሲ ታኮ ያ ኦናካ ካሬ ዬዲኬ።

³⁸ ታኒ ታ ኮያባ ኦꬃናው ጊዶናሺን ታና ኪቲዳይሲ ኮያባ ኦꬃናው ሳሎፔ ያስ።

³⁹ ታና ኪቲዳይሲ ኮዬይ ሃይሳ፡ ታኒ ኢ ታው ኢሚዳ ኡባታካ ዉርሴꬃ ጋላስ ሃይቆፔ ዴንꬃና ሜላፔ ኣቲን ኢሱዋካ ꬋይሳና ሜላ ኮዬና።

³⁶ Shin taani hinttew odas; hintte tana be7ideta, shin ammanekketa.

³⁷ Ta Aaway taw immiya ubbay taakko yaana; qassi taakko yaa oonakka kare yeddike.

³⁸ Taani ta koyabaa oothanaw gidonnashin tana kiittidayssi koyabaa oothanaw saloppe yas.

³⁹ Tana kiittidayssi koyey hayssa: taani I taw immida ubbatakka wurssetha gallas hayqoppe denthana melappe attin issuwaka dhayssana mela koyenna.