ዮሃኒሳ 2:13-21 in Gofa

¹³ ኣይሁዴቲ ቦንቺያ ፓሲካ ባሌ ጋላሳይ ማታቲን ዬሱሲ ዬሩሳላሜ ቢስ።

¹⁴ ቢዲ ፆሳ ኬꬃን ቦራታ፥ ሚዛታ፥ ዶርሳታኔ ሆሌታ ባይዜይሳታኔ ባንታ ኦይዲያን ኡቲዲ ሚሼ ላሜይሳታ ዴሚስ።

¹⁵ ኢ ፁርቃፌ ዶቂዲ ኣሳ ኡባ ኤንታ ሜሄታራ ፆሳ ኬꬃፌ ጎዲዲ ካሬ ኬሲስ። ሚሼ ላሜይሳታ ፃርጴዛታካ ኣꬂ ዬጊዲ ኤንታ ሚሺያ ላሊስ።

¹⁶ ሆሌ ባይዜይሳታ፥ «ሃ ሆሌታ ሃይሳፌ ኬሲቴ፤ ታ ኣዋ ኬꬃ ጊያ ኦꬆፊቴ» ያጊስ።

¹⁷ ኢያ ታማሬቲ ጌሻ ማፃፋን፥ «ታኒ ኔ ኬꬃስ ሚሼቲያ ሚሻይ ታና ታማዳ ፁጌስ» ጌቴቲዲ ፃፌቲዳይሳ ኣኬኪዶሶና።

¹⁸ ሄሳፌ ጉዬ፥ ኣይሁዴቲ ዛሪዲ፥ «ኔ ሃይሳ ኦꬃናው ኔው ማቲ ዴዔይሳስ ኑና ኣይ ማላታ ኦꬃዳ ቤሳኔ?» ያጊዶሶና።

¹⁹ ዬሱሲ፥ «ሃ ፆሳ ኬꬃ ላሊቴ፤ ታኒ ሄꬑ ጋላሳን ዛራዳ ኬፃና» ያጊስ።

²⁰ ቃሲካ ኣይሁዴቲ፥ «ሃ ፆሳ ኬꬃ ኬፃናው ኦይታማኔ ኡሱፑን ላይꬂ ኤኪስ፥ ሺን ኔኒ ሄꬑ ጋላሳን ኬፃኔ?» ያጊዶሶና።

²¹ ሺን ዬሱሲ ኦዲያ ፆሳ ኬꬃይ ባ ኣሳቴꬃባ።

¹³ Ayhudeti bonchchiya Paasika Baale gallasay matatin Yesuusi Yerusalaame bis.

¹⁴ Bidi Xoossa Keethan boorata, miizata, dorssatanne holleta bayzeyssatanne bantta oydiyan uttidi miishe laammeyssata demmis.

¹⁵ I xurqqafe dooqidi asaa ubbaa entta mehetara Xoossa Keethafe gooddidi kare kessis. Miishe laammeyssata xarpheezatakka aathi yeggidi entta miishiya laallis.

¹⁶ Holle bayzeyssata, “Ha holleta hayssafe kessite; ta Aawa keetha giya oothofite” yaagis.

¹⁷ Iya tamaareti Geeshsha Maxaafan, “Taani ne keethas mishettiya mishay tana tamada xuuggees” geetettidi xaafettidayssa akeekidosona.

¹⁸ Hessafe guye, Ayhudeti zaaridi, “Ne hayssa oothanaw new maati de7eyssas nuna ay malaata oothada bessanee?” yaagidosona.

¹⁹ Yesuusi, “Ha Xoossa Keetha laallite; taani heedzu gallasan zaarada keexana” yaagis.

²⁰ Qassika Ayhudeti, “Ha Xoossa Keetha keexanaw oytamanne usuppun laythi ekkis, shin neeni heedzu gallasan keexanee?” yaagidosona.

²¹ Shin Yesuusi odiya Xoossa Keethay ba asatethaabaa.